मूकबधिर निवासी विद्यालयातील विद्यार्थ्यांना राख्या बांधून रक्षाबंधनाचा कार्यक्रम

भारत स्काउट्स आणि गाईड्स जिल्हा कार्यालयाच्या वतीने मूकबधिर निवासी विद्यालय, चंद्रपूर येथे रक्षाबंधन कार्यक्रम साजरा करण्यात आला.  या कार्यक्रमाप्रसंगी शिक्षणाधिकारी (प्राथ.) तथा जिल्हा मुख्य आयुक्त स्काऊट गाईड राजकुमार हिवरे, शिक्षणाधिकारी (माध्य.) तथा जिल्हा आयुक्त (गाईड) कल्पना चव्हाण यांच्यासह जिल्हा संघटक चंद्रकांत भगत, गाईड कॅप्टन रंजना किन्नाके, निशा दडमल, मूकबधिर निवासी विद्यालयाचे मुख्याध्यापक बलकी, कावळे, कानकाटे व मिथुन किन्नाके आदींची उपस्थिती होती.

कार्यक्रमात जिल्हा संघटन आयुक्त(स्काऊट) चंद्रकांत भगत व रंजना किन्नाके यांनी रक्षाबंधनाचे महत्त्व तसेच कब बुलबुल व स्काऊट गाईड चळवळीच्या माध्यमातून विविध सण-समारंभ साजरे केले जातात, याबाबत शालेय विद्यार्थ्यांना माहिती दिली. या कार्यक्रमात भवानजीभाई चव्हाण हायस्कूल येथील गाईडने सहभाग घेतला. यावेळी उपस्थित गाईडने मूकबधिर निवासी विद्यालयातील विद्यार्थ्यांना राख्या बांधून रक्षाबंधनाच्या कार्यक्रम साजरा केला.