अल्ट्राटेक सिमेंट लिमिटेड, माणिकगड कडून क्रिडांगण साहित्य भेट
चांदा ब्लास्ट प्रतिनिधी. अशोक डोईफोडे
अल्ट्राटेक सिमेंट लिमिटेड, माणिकगढ आजूबाजूच्या गावांमध्ये एकामागून एक नवनवीन उपक्रम आपल्या सामाजिक दायित्व उपक्रमाद्वारे राबवत आहे, यावेळी त्यांच्या प्लांटला लागून असलेल्या गडचांदूर शहरात, विशेषत: लहान मुलांचा विचार करून, क्रीडांगणाच्या साहित्यासह डस्टबीनची व्यवस्था करण्यात आली. एकूण पाच ठिकाणच्या मोकळ्या जागांवर त्यांनि खेळाचे साहित्य स्थापित केले. त्यात गडचांदूरचा प्रभाग क्रमांक १,२,३ आणि ४ यांचा समावेश आहे. साहित्य बसवताच मुले त्याचा आनंद घेऊ लागली, मुलांच्या व प्रभागातील लोकांच्या चेहऱ्यावर आनंद दिसत होता. या क्रीडांगणाचे साहित्य बसविण्यासाठी गडचांदूर नगरपरिषदेनेही खूप मदत केली.
या खेळाच्या मैदानाच्या उपकरणामध्ये दोन झोका देणारा झुला, एक वर्तुळाकार झुला, लहान आणि मोठी घसरपट्टी, एक वर-खाली करणारा झुला आणि प्रत्येक मोकळ्या जागेवर दोन डस्टबिन बसवण्यात आल्या.
