अल्ट्राटेक कम्युनिटी वेलफेअर फाऊंडेशन द्वारे ४० युवकांना वाहन व १० युवकांना जेसीबी प्रशिक्षण
चांदा ब्लास्ट प्रतिनिधी. अशोक डोईफोडे
अल्ट्राटेक कम्युनिटी वेलफेअर फाऊंडेशन, आवारपूर हे नजीकच्या गावाची सर्व स्तरावरील प्रगती व्हावी यासाठी नेहमी प्रयत्नशील असते. या वाढत्या लोकसंख्येमुळे बहुतांश युवक बेरोजगार असतात त्यांना कुठेतरी आपल्या कौशल्यावरती रोजगार मिळावा याकरिता अल्ट्राटेक कम्युनिटी वेलफेअर फाऊंडेशन आवारपुर ने गावातील ४० युवकांना वाहन प्रशिक्षण व १० युवकांना जेसीबी प्रशिक्षण देण्याचे ठरविले. विशेष म्हणजे त्या ४० युवकांमध्ये ४ मुलींचा समावेश आहेत.
महाकाली ड्रायव्हिंग स्कूल, चंद्रपूर यांच्या सहाय्याने ४० युवकांना वाहन प्रशिक्षण व १० युवकांना जेसीबी प्रशिक्षण देऊन त्यांना परमनंट लायसन्स सुद्धा प्रदान करण्यात येणार आहेत. या प्रशिक्षणाचा शुभारंभ अल्ट्राटेक सिमेंट लिमिटेड चे युनिट हेड श्रीराम पि.एस. यांच्या हस्ते दिनांक १८.ऑगस्ट ला करण्यात आला. या कार्यक्रमाला श्री. संदीप देशमुख, श्री. ललित देवपुरा, श्री. विपुल घायवटे, श्री. सतीश मिश्रा, श्री. प्रतीक वानखेडे, श्री. सचिन गोवादिपे, प्रशिक्षक श्री. उत्तम काळे हे उपस्थित होते.
या कार्यक्रमाला यशस्वीते करिता श्री. संजय ठाकरे व श्री. देविदास मांदाळे यांनी अथक प्रयत्न केले.