घुग्घूस काँग्रेस कार्यालयात देशभक्तीच्या रंगात ८० वा स्वातंत्र्यदिन साजरा
चांदा ब्लास्ट
घुग्घूस :- शहरातील स्थानिक काँग्रेस कार्यालयात ८० वा स्वातंत्र्यदिन उत्साह, उमंग आणि देशभक्तीच्या वातावरणात साजरा करण्यात आला. ध्वजारोहण समारंभासह आयोजित सांस्कृतिक कार्यक्रमांमुळे काँग्रेस कार्यालयाचा परिसर देशभक्तीच्या रंगात रंगून गेला.
सकाळी ९ वाजता काँग्रेसचे शहराध्यक्ष राजुरेड्डी यांच्या हस्ते ध्वजारोहण करण्यात आले. राष्ट्रगीत आणि ध्वजगीताच्या वेळी उपस्थित काँग्रेस पदाधिकारी, कार्यकर्ते तसेच नागरिकांनी राष्ट्रध्वजाला सलामी दिली. त्यानंतर ‘भारत माता की जय’ आणि स्वातंत्र्यसैनिकांच्या जयघोषाने संपूर्ण परिसर दुमदुमून गेला.
समारंभाला संबोधित करताना राजुरेड्डी यांनी देशाच्या स्वातंत्र्य संग्रामात बलिदान देणाऱ्या शहीद आणि महापुरुषांच्या त्यागाची व योगदानाची आठवण करून दिली. देशाची एकता-अखंडता, लोकशाही आणि संविधानाच्या रक्षणासाठी प्रत्येक नागरिकाने सदैव कटिबद्ध राहिले पाहिजे, असे त्यांनी सांगितले. यावेळी उपस्थितांनीही राष्ट्रहितासाठी आपले योगदान देण्याचा संकल्प केला.
कार्यक्रमाला काँग्रेस नगराध्यक्षा दीप्ती सोनटक्के, ज्येष्ठ नेते जयंता जोगी, स्वच्छता सभापती नुरूल सिद्दीकी, महिला व बालकल्याण सभापती मालाताई मेश्राम, नगरसेवक दिलीप पिट्टलवार, नगरसेविका आशा गणेश पाणघाटे, पल्लवी दिनेश घुले, सुनीता मंदेश्वर पेंदोर व वैशाली चिकनकर, नगरसेवक पंकज धोटे, जिल्हा महासचिव अलीम शेख, जिल्हा उपाध्यक्ष यास्मिन सैय्यद, महासचिव पदमा त्रिवेणी, संध्या मंडल, आयेशा अली बुखारी, सरस्वती कोवे, जिल्हा सचिव अजय उपाध्ये, इंटक उपाध्यक्ष शहजाद शेख, प्रशांत सारोकर, दीपक कांबळे, सुजित सोनटक्के, सुनील पाटील, बालकिशन कुळसंगे, देव भंडारी, आकाश चिलका यांच्यासह मोठ्या संख्येने काँग्रेस पदाधिकारी, कार्यकर्ते आणि नागरिक उपस्थित होते. कार्यक्रमाच्या समारोपानंतर उपस्थितांना मिठाईचे वाटप करण्यात आले. तसेच सर्वांनी एकमेकांना स्वातंत्र्यदिनाच्या शुभेच्छा देत कार्यक्रमाची सांगता केली.
