७७ वा स्वातंत्र्यदिन मोठ्या थाटामाटात साजरा
याप्रसंगी विद्यार्थी व पालकांनी देशाच्या अमर हुतात्म्यांचे व स्वातंत्र्यसैनिकांचे स्मरण करून त्यांना आदरांजली वाहिली.
चांदा ब्लास्ट प्रतिनिधी. अतुल कोल्हे
देशाच्या स्वातंत्र्याचा ७७ वा वर्धापन दिन मंगळवारी लिटल फ्लॉवर इंग्लिश कॉन्व्हेंट, माजरी येथे मोठ्या उत्साहात साजरा करण्यात आला. स्वातंत्र्यदिनाचे औचित्य साधून सुदर्शन सार्वजनिक शिक्षण संस्थेच्या अध्यक्षा सौ.वनिता राजेश रेवते यांच्या हस्ते राष्ट्रीय तिरंगा ध्वजारोहण करण्यात आले.याप्रसंगी विद्यार्थी व पालकांनी देशाच्या अमर हुतात्म्यांचे व स्वातंत्र्यसैनिकांचे स्मरण करून त्यांना आदरांजली वाहिली.
स्वातंत्र्यदिन सोहळ्याच्या अध्यक्षा सौ.वनिता रेवते, प्रमुख पाहुणे मुख्याध्यापिका उत्क्रांती वानखेडे, ग्रामपंचायत सदस्य हंसन राव, पालक अजय सिंग, सौ.भाग्यश्री खिरतकर, शिक्षिका वनिता मनुस्मारे, कांचन कर्नाके, निकिता बडगु, कु भाग्यश्री, पो. ज्योती बिहार आदी उपस्थित होते.
यावेळी कु.वनिता रेवते यांनी कार्यक्रमात उपस्थित सर्वांना स्वातंत्र्यदिनाच्या शुभेच्छा देताना सांगितले की, ब्रिटीश राजवटीतून स्वातंत्र्य मिळवण्यासाठी देशवासीयांनी मोठी किंमत मोजली आहे. आजचा सण आपण मोठ्या थाटामाटात साजरा करायचा आहे आणि त्याच बरोबर देशाच्या विकासात आपले पूर्ण योगदान द्यायचे आहे. स्वातंत्र्याच्या वेळी झालेल्या फाळणीत लाखो लोकांना आपला जीव गमवावा लागला होता. असे बलिदान देऊन आपल्याला स्वातंत्र्य मिळाले आहे. त्या सर्वांसमोर नतमस्तक होतो.विद्यार्थ्यांना सांगितले की, केवळ मुलेच शिक्षणातून देशात बदल घडवू शकतात, तेच देशाचे भविष्य आहेत.
वनिता मनुस्मारे यांनी स्वातंत्र्यदिनाच्या कार्यक्रमाचे सूत्रसंचालन केले तर कांचन कर्नाके यांनी आभार मानले.