चेक पोंभूर्णा येथे अवैध रेतीने भरलेल्या ट्रकवर कारवाई 

चांदा ब्लास्ट प्रतिनिधी. विजय वासेकर

पोंभूर्णा :- तालुक्यातील थेरगाव अंधारी नदी पात्रातून अवैधरित्या रेतीची वाहतूक करणारा ट्रक दि.१७ नोव्हेंबरला दुपारी अकरा वाजताच्या सुमारास चेक पोंभूर्णा येथे तालुका गौण खनिज दक्षता पथकाने पाठलाग करून कारवाई केली आहे.

पोंभूर्णा तालुक्यातील थेरगाव नदीघाटावरून अवैध रेतीने भरलेला वाहतूक करणारा ट्रक क्र.( MH27BX8027) बुधवारला दुपारी अकरा वाजताच्या सुमारास चेक पोंभूर्ण्यात तालुका गौण खनिज दक्षता पथकाने गस्तीवर असताना सदर ट्रकची चौकशी करण्या करीता थांबवले असता ट्रकचालकाने गाडी थांबवली नाही.त्यामुळे ट्रकचा पाठलाग करून पकडण्यात आले.ट्रकची चौकशी केली असता संबंधिताकडे वाळू परवाना नव्हता व अवैधरित्या रेती तस्करी करत असल्याचे आढळून आल्याने रेतीने भरलेले ट्रक जप्त करून पोंभूर्णा तहसील कार्यालयाच्या परिसरात लावण्यात आले व पंचनामा करण्यात आला आहे.सदर अवैध रेती वाहतूक करणारा ट्रक अमरावती येथील असल्याची माहिती आहे.मात्र बातमी लिहेपर्यंत ट्रक मालकाचे नाव कळू शकले नाही.

सदर कारवाई तहसीलदार मोहनिश शेलवटकर,नायाब तहसीलदार रामकृष्ण उईके,दिपाली आत्राम,मंडळ अधिकारी सुरेंद्र चिडे,दिनकर शेडमाके,सुनील चौधरी,तलाठी आसिफ पठाण,धनलाल भोयर यांनी केली‌