वर्ध्यात अवैध दारू वाहतुकीवर पोलिसांचा धडाका!

चांदा ब्लास्ट प्रतिनिधी. अविनाश नागदेवे

वर्धा शहरात पुन्हा एकदा PSI विशाल सवाई यांच्या पथकाने अवैध दारू वाहतुकीवर मोठी कारवाई करत मोठा साठा जप्त केला आहे.

परीक्षाविधीन पोलीस उपनिरीक्षक विशाल सवाई हे त्यांच्या पथकासह शहर परिसरात गस्त घालत असताना गुप्त बातमीदारामार्फत माहिती मिळाली की, एक सिल्वर रंगाची होंडा सिटी कार (MH 14 EH 8090) ही देशी व विदेशी दारूची अवैध वाहतूक करत आहे.

या माहितीवर तात्काळ पुलफैल परिसरात नाकेबंदी करण्यात आली. थोड्याच वेळात ती कार दिसताच पोलिसांनी तिला थांबवून कारची तपासणी केली असता ११ पेटी दारू मिळून आली, यातील आरोपी साहिल काळे याला ताब्यात घेण्यात आले असून दुसरा आरोपी परिकेत खडसे पसार झाला.

पंचासमक्ष कारची तपासणी केली असता त्यामध्ये —

विविध कंपनींच्या टैंगो देशी दारू 11 पेट्या (किंमत ₹1,10,000) रुपयांचा अवैध दारू साठा जप्त करण्यात आला. त्यासोबतच ₹6,00,000 किंमतीची होंडा सिटी कार देखील जप्त करण्यात आली.

एकूण जुमला ₹7,10,000 रुपयांचा मुद्देमाल हस्तगत झाला आहे.

सदर आरोपीविरुद्ध मद्य निषेध कायद्यान्वये गुन्हा दाखल करण्यात आला असून पुढील तपास सुरू आहे.

ही कारवाई पोलीस अधीक्षक अनुराग जैन, अपर पोलीस अधीक्षक सदाशिव वाघमारे, उपविभागीय अधिकारी प्रमोद मकेश्वर यांच्या मार्गदर्शनाखाली, पोलीस निरीक्षक संतोष ताले यांच्या देखरेखीखाली PSI सिनुकुमार बनोत,PSI विशाल सवाई आणि त्यांचे पथक NPC प्रवीण,पीसी आकाश यांनी केली.