महाऔष्णिक विद्युत केंद्रात हाताळणीतील (गॅन्ट्री) कोसळली

चांदा ब्लास्ट

 महाऔष्णिक विद्युत केंद्र हे सद्यस्थितीत २९२० MW स्थापीत क्षमता असलेले विदयुत निर्मिती केंद्र असुन या विद्युत केंद्रामध्ये ५०० MW चे ५ संच व २१० MW चे २ संच कार्यान्वीत आहेत. येथील संच क्र. ३ दि. १/४/१९८६ व ४ दि. ४/११/१९८६ पासुन कार्यान्वित असुन दोन्ही संचामधून मागील जवळपास ३९ वर्षांपासून अविरतपणे वीज निर्मिती चालू आहे.

चंद्रपुर महाऔष्णिक विद्युत केंद्र आपली कामगिरी व कार्यक्षमता उत्कृष्ट ठेवण्यासाठी सतत कार्यरत असतांना सुरक्षितते कडे देखिल विशेष लक्ष दिले जाते. परंतु काही तांत्रिक कारणामुळे दि. २९/८/२०२५ रोजी रात्री सुमारे २:०० वाजता संच क्रं.३ व ४ चे कोळसा हाताळणी विभागातील गॅन्ट्री खाली पडण्याची घटना घडली. सदर घटनेचे नेमके कारण जाणून घेण्याकरिता समिती गठीत करुन चौकशी व सखोल तपासणी करण्यात येईल.

सदर घटनेमध्ये कोणतीही जीवितहानी अथवा कुणालाही दुखापत झालेली नाही. मात्र या घटनेमुळे संच क्र. ३ येथील वीज निर्मिती थांबलेली असुन संच क्र. ४ चे वार्षिक देखभाल व दुरुस्तीचे काम आधीच चालु होते. सदर घटना घडल्यानंतर तात्काळ दुरुस्तीसाठी चंद्रपुर महाऔष्णिक विद्युत केंद्रातर्फे पावले उचलली गेली असुन सदर काम लवकरात लवकर पुर्ण करुन संच कार्यान्वित करण्यात येईल.