भटके विमुक्त कल्याणकारी बहू. संस्थेतर्फे जिल्हाधिकाऱ्यांना निवेदन 

चांदा ब्लास्ट

भटके विमुक्त कल्याणकारी बहुद्देशिय संस्था विदर्भ प्रांत- भंडारा द्वारे चंद्रपूर जिल्ह्यातील सर्व भटके विमुक्त -घुमंतू समाजाकरिता श्री. छत्रपती शिवाजी महाराज महाराजस्व अभियाना अंतर्गत भटके विमुक्त समाजास विविध प्रकारचे दाखले आधारकार्ड, रेशन कार्ड, मतदान ओळखपत्र, जात प्रमाणपत्र व इतर दाखले देण्यासाठी विशेष शिबीराचे आयोजन करण्याबाबत जिल्हाधिकारी श्री विनय गौडा यांना निवेदन देण्यात आले यावेळी श्रीकांत तिजारे, विदर्भ प्रांत सह संयोजक, राहुल आवरकर-आयाम प्रमुख, शरद सोंनकुसरे, जिल्हा संयोजक हे प्रामुख्याने उपस्थित होते.

 मा. श्री. चंद्रशेखर बावनकुळे, मंत्री महसूल तथा पालक मंत्री नागपूर जिल्हा यांनी VC व्दारे दिनांक २१/०५/२०२५ रोजी दिलेले निर्देशनुसार श्री. छत्रपती शिवाजी महाराज महाराजस्व अभियाना अंतर्गत भटके विमुक्त समाजास विविध प्रकारचे दाखले आधारकार्ड, रेशन कार्ड, मतदान ओळखपत्र, जात प्रमाणपत्र व इतर दाखले देण्यासाठी विशेष शिबीराचे आयोजन करण्याबाबत महाराष्ट्रातील सर्व तहसिदार यांना सुचित केले आहे.

 त्याच अनुषगाने भटके विमुक्त कल्याणकारी परिषदेचे कार्यकर्ते संपुर्ण विदर्भ प्रांतात या अभियान निमित्याने वस्ती- वस्तीवर जात आहेत व त्यांचे सर्वेक्षण करीत आहेत. तसेच चंद्रपूर जिल्ह्यातील देखील अनेक वस्त्यांचे सर्वेक्षण झाले आहे. त्या वस्त्यांवर वरील कागदपत्र देण्याचे अभियान आपल्या कार्यालयातील संबंधीत अधीनस्त अधिकारी व कर्मचारी वर्ग यांचे मार्फत सुरू करावे अशी विनंती भटके विमुक्त कल्याकारी परिषद, विदर्भ प्रांत, भंडारा च्या वतीने या निवेदनात करण्यात आली आहे.