उद्या रविवारी यंग चांदा ब्रिगेडच्या वतीने गुणवंत विद्यार्थ्यांचा सत्कार

चांदा ब्लास्ट

१० वी आणि १२ वी चा निकाल नुकताच जाहीर झाला असून यात प्राविण्य प्राप्त करणाऱ्या विद्यार्थ्यांचा यंग चांदा ब्रिगेडच्या वतीने उद्या रविवारी प्रियदर्शनी इंदिरा गांधी सांस्कृतिक सभागृह, चंद्रपूर येथे सत्कार कार्यक्रमाचे आयोजन करण्यात आले आहे.

या कार्यक्रमाला सर्वोदय शिक्षण मंडळाच्या अध्यक्षा सुधा पोटदुखे यांची अध्यक्षस्थानी उपस्थिती राहणार आहे. तर चंद्रपूरचे सुपुत्र नागपूर जिल्हाधिकारी डॉ. विपीन इटनकर यांची उद्घाटक, चंद्रपूरचे जिल्हाधिकारी डॉ. विनय गौडा यांची प्रमुख अतिथी, गोंडवाना विद्यापीठाचे कुलगुरु प्रशांत बोकारे यांची प्रमुख मार्गदर्शक तर यंग चांदा ब्रिगेडचे संस्थापक अध्यक्ष तथा चंद्रपूर मतदार संघाचे आमदार किशोर जोरगेवार आणि रोटरी क्लबचे अध्यक्ष अजय जैस्वाल यांची प्रमूख पाहुणे म्हणून उपस्थिती राहणार आहे.

       दरवर्षी प्रमाणे यावर्षी सुध्दा 10 वी आणि  12 वी च्या परिक्षेत यश संपादन करणा-या गुणवंत विद्यार्थ्यांच्या सत्कार कार्यक्रमाचे आयोजन यंग चांदा ब्रिगेडच्या शिक्षण विभागाच्या वतीने करण्यात आले आहे. या सत्कार कार्यक्रमात 12 वी च्या परीक्षेत 75 टक्के च्या वर गुण प्राप्त करणाऱ्या आणि 10 वी च्या परिक्षेत 80 टक्के च्या वर गुण प्राप्त करणा-या विद्यार्थ्यांचा मान्यवरांच्या हस्ते सत्कार करण्यात येणार आहे.  यासाठी जवळपास एक हजार विद्यार्थ्यांनी नोंदणी केली आहे. सदर कार्यक्रमात राष्ट्रपती द्रौपती मुर्मु यांच्या हस्ते राष्ट्रीय फ्लोरेंस नाइटिंगेल पुरस्कार प्राप्त करणा-या पूष्पा पोडे आणि श्रीमती ना. दा. ठाकरेसी महिला विद्यापीठ मुंबई, महर्षी कर्वे महिला सक्षमीकरण ज्ञानसंकुल बल्लारपूर कॅम्पसच्या संचालक पदी नियुक्ती झाल्याबद्दल डॉ. राजेश इंगोले यांचा विशेष सत्कार करण्यात येणार आहे. सदर कार्यक्रमाला गुणवंत विद्यार्थी,  पालक, शिक्षक वृंद, संस्थापक अध्यक्ष तसेच महानगरातील विविध क्षेत्रातील नागरिक व शिक्षण क्षेत्राशी निगडीत मान्यवर व नागरिकांनी बहुसंख्येने उपस्थित रहावे असे आवाहन यंग चांदा ब्रिगेडच्या वतीने करण्यात आले आहे.