नवीन वर्षाच्या स्वागतावर सावली पोलिसांची करडी नजर

चांदा ब्लास्ट प्रतिनिधी. प्रा. शेखर प्यारमवार

31 डिसेंबरच्या रात्री नवीन वर्षांच्या स्वागताचा उत्साह सर्वत्र पाहायला मिळते. या उत्साहाच्या वातावरणात कायदा व सुव्यवस्थेला तडा जाऊ नये, सावली पोलीस स्टेशन सज्ज झाले आहे. व यासाठी दिनांक 29/12/23 पासूनच विशेष मोहीम सुरू करण्यात आली आहे.

सावली पोलीस स्टेशन कडून नियोजनबद्ध बंदोबस्ताची संपूर्ण तयारी केली आहे. पोलिस स्टेशन हद्दीत ठीकठिकाणी फिक्स पाईन्ट व बॅरिगेड लावून नाकाबंदी करण्यात येणार असून, ड्रन्क अ‍ॅन्ड ड्राईव्हवर लगाम लावण्यासाठी पोलिसांचा तडगा बंदोबस्त लावण्यात येणार आहे.बहुतांश पोलीस रस्त्यावर उतरून बंदोबस्त ठेवणार आहे. हद्दीत फिक्स पाईन्ट लावून वाहनांची तपासणी केली जाईल. मुख्यतः चंद्रपूर गडचिरोली जिल्हा सीमेवर पोलिसांची विशेष नजर राहणार आहे

नववर्षाच्या स्वागतावेळी दारू पिऊन वाहने चालविणारे अपघात घडवितात. त्याचेवर ड्रंक अँड ड्राईव्ह ची कारवाई करून त्यांचे वाहन सुद्धा जप्त करण्यात येणार आहे.