चांदाब्लास्ट विशेष

जंगली हत्तींनी केली तीन घरे उद्ध्वस्त

हत्तींचा धुमाकूळ ; पूर्ण गाव झाले रिकामे

चांदा ब्लास्ट: स्मृती वासनिक: गडचिरोली (प्रतिनीधी)

गडचिरोली,
ओरिसा राज्यातून गडचिरोली जिल्ह्यात दाखल झालेल्या जंगली हत्तींच्या कळपाने धुमाकूळ घातला असून धानोरा तालुक्यापासून १५ किलोमीटर अंतरावर असलेल्या मुजालगोंधी येथील तीन घरे उद्ध्वस्त केली आहे. हत्तीच्या हल्ल्यामुळे पूर्ण गाव खाली झाला आहे.

या घटनेची माहिती मिळताच वनविभाग सक्रिय झाले असून गडचिरोली वन विभागाचे वनाधिकारी घटनास्थळी धाव घेतली. कन्हारटोला शेतशिवारात २० ऑक्टोंबर रोजी रात्री 10 वाजताच्या सुमारास हत्तीने एका शेतकऱ्यावर हल्ला करून जखमी केले होते. या घटनेमुळे परिसरातील नागरिकांमध्ये भीतीचे वातावरण निर्माण झाले असून जिल्ह्यात वाघापाठोपाठ हत्तींची दहशत निर्माण झाली आहे. सदर घटनेमुळे जिल्ह्यात वन्यप्राणी आणि मानवांचा संघर्ष निर्माण होण्याची शक्यता व्यक्त केली जात आहे.

 

*दहशतीमुळे शेकोटी पेटवून जागून काढावी लागते रात्र*

धानोरा वनपरिक्षेत्रा अंतर्गत येणाऱ्या मुंजालगोंदी गाव परिसरात जंगली हत्तीच्या कळपाने धुमाकूळ माजविला असून जंगली हत्तींच्या दहशतीमुळे मुंजालगोंदी गाववासियांना गावाच्या सभोवती शेकोट्या पेटवून रात्र जागून काढावी लागत आहे. गावाच्या रक्षणासाठी नागरिक गावाभोवती शेकोटीचा आधार घेत तैनात झाले आहेत. गावासभोवताल शेकोट्या पेटवून ठेवत असल्यानेच संपूर्ण गाव उदध्वस्त होण्यापासून बचावला आहे. हत्तींचा कळप रात्री आठ वाजताच्या सुमारास गजराजांच्या रुबाबदार आवाजात गावाशेजारी येत असल्याने कुत्र्यांचे जोरजोरात भुंकने व गावकऱ्यांत दहशत निर्माण झाली आहे.

Related Articles

Leave a Reply

Your email address will not be published. Required fields are marked *

Back to top button