केंद्रीय विद्यालयात प्रवेश सोहळा

चांदा ब्लास्ट प्रतिनिधी. अतुल कोल्हे

मुलांच्या जीवनात शाळेचे खूप महत्त्व आहे. जे नाकारता येणार नाही, शाळेच्या सुरुवातीच्या दिवसांची आठवण कमी असली तरी जे काही आठवण राहते ते सोनेरी असते. अशाच काही सोनेरी आठवणी जागवता याव्यात व पालकांमध्ये आत्मविश्वास जागृत व्हावा यासाठी त्यांना शाळेच्या अभ्यास प्रक्रियेची आणि शाळेच्या परिसराची ओळख व्हावी यासाठी केंद्रीय विद्यालयात माजरी येथील इयत्ता पहिलीच्या विद्यार्थ्यांचा व त्यांच्या पालकांचा आवारात भव्य स्वागत समारंभ पार पडला. शाळेच्या प्रवेशद्वारापासून त्यांच्या स्वागतासाठी पुष्प टाकून विद्यार्थी व पालकांनी स्वागत केले व सर्वांनाच टिकला लावून स्वागत केले. रांगोळीही काढली होती.
पालक आणि मुलांना आदराने सभागृहात आणले. इयत्ता चौथी, पाचवी आणि सहावीचे विद्यार्थी स्वागत नृत्यांनी विद्यार्थी आणि त्यांच्या पालकांचे स्वागत करन्यात आले.
विद्या प्रवेश समरंभ चे शुभआरंभ प्राचार्य राजेश प्रसाद यांच्या हस्ते दीपप्रज्वलन करून करण्यात आले, नवीन वर्गात प्रवेश करणाऱ्या मुलांचे स्वागत करण्यासाठी खास गाणी सादर करण्यात आली आणि नृत्याने त्यांचे मन आकर्षित झाले, त्यामुळे त्यांचे चेहरे टवटवीत होते. मुख्याध्यापक ए.ए.अन्सारी यांनी स्वागतपर भाषण करून येथे सुरू असलेल्या उपक्रमांची ओळख करून दिली, शिस्त व शिक्षणाबरोबरच विद्यार्थ्याला खेळ व बौद्धिक विकासावर मार्गदर्शन करण्यात आले.
प्राचार्य राजेश प्रसाद यांनी शाळेच्या प्रांगणात लहान मुलांना शुभ आशीर्वाद देताना सांगितले की, मुले शाळेतून चांगले शिक्षण घेऊन समाजासाठी योगदान देतील. ते म्हणाले की, मुले ही भविष्यातील समाजाचा पाया तर आहेतच, शिवाय त्याचेदेशाचे भावी सूत्रधारही आहेत, त्यामुळे त्यांच्या सर्वांगीण विकासासाठी शाळेचे वातावरण फलदायी ठरेल आणि शाळा त्यांच्या विकासात कोणतीही कसर ठेवणार नाही.
इयत्ता पहिलीच्या विद्यार्थ्यांचे पहिल्या दिवशी आगमन होताच सर्व विद्यार्थ्यांना बक्षिसे देण्यात आली आणि सेल्फी पॉइंटवर सर्वांचे सेल्फीही काढण्यात आले. वर्गशिक्षिका सौ.सुधा उबाळे, प्रीती गावंडे, शिक्षिका लक्ष्मी सिंग, गीता तुरणकर, शिक्षक उत्तम वाघ, भीमराव डोंगरे व इतर शिक्षकांनी आपल्या विविध जबाबदाऱ्या पार पाडून हा कार्यक्रम आकर्षक व यशस्वी करण्यासाठी मोलाचे सहकार्य केले.
प्रीती गावंडे यांनी संचालन केले तर ए.ए.अन्सारी यांनी आभार व्यक्त केले.