महाजनसंपर्क अंतर्गत ‘घर चलो’ अभियानास उत्स्फुर्त प्रतिसाद

चांदा ब्लास्ट

चंद्रपूर- भाजपाच्या महाजनसंपर्क अभियानाअंतर्गत दि. 3 सप्टेंबर रोजी राष्ट्रीय मागासवर्गीय आयोगाचे अध्यक्ष, पुर्व गृह राज्यमंत्री हंसराज अहीर यांच्या नेतृत्व व पुढाकारात गोंडपिपरी तालुक्यातील अनेक गांवामध्ये घर चलो अभियान राबविण्यात आले. यावेळी प्रत्येक गांवातील नागरीकांचा या अभियानास उत्स्फुर्त प्रतिसाद लाभला.

या अभियानामध्ये माजी आमदार संजय धोटे, माजी आमदार सुदर्शन निमकर, चंद्रपूर लोकसभा क्षेत्राचे विस्तारक खुशाल बोंडे, माजी भाजपा जिल्हाध्यक्ष देवराव भोंगळे, गोडपिपरी भाजपा तालुकाध्यक्ष बबन निकोडे, किसान आघाडीचे जिल्हाध्यक्ष राजू घरोटे यांची प्रमुख उपस्थिती लाभली होती.

या महाजनसंपर्क अभियानात भाजप नेत्यांनी धानापूर, चेकघडोली, भनारहेटी, विठ्ठल वाडा व भंगाराम तळोधी येथे पाऊस सुरू असतांना नागरीकांच्या भरगच्च उपस्थितीमध्ये कार्यक्रमाच्या माध्यमातून संपर्क साधत लोकांशी संवाद साधला. याप्रसंगी उपस्थित लोकांना विविध योजनांची पत्रके वितरीत केली. हंसराज अहीर यांनी केंद्र व राज्य सरकारच्या कल्याणकारी योजनांची माहिती देत या योजनांचा लाभ समाजातील सर्व घटकांना होत असल्याचे सांगितले. पंतप्रधान नरेंद्र मोदीजी यांनी सबका साथ, सबका विकास या धोरणाचा अंगीकार करून करोडो लोकांना शेकडो योजनांचा लाभ मिळवून दिला ज्यात घरकूल, शौचालय, उज्ज्वला गॅस, शेतकऱ्यांना सन्मान योजनेचा लाभ व अनेक योजनेच्या माध्यमातून लोकांच्या जिवनात प्रगती घडवून आणली. देशाला जागतिक स्तरावर किर्तीमान मिळवून दिला. मोदींजीच्या नेतृत्वात देश सुरक्षीत राहणार असल्याने त्यांच्या खंबीर नेतृत्वावर विश्वास ठेवून भाजपाला बळ देण्यास पुढे यावे असे आवाहन केले. या वेळी संजय धोटे व अन्य मान्यवरांनी उपस्थितांना घर चलो अभियानाबाबत मार्गदर्शन केले.

धानापूर येथील आयुर्वेदिक रुग्णालय व समाज भवनांचे उद्घाटन हंसराज अहीर यांच्या शुभहस्ते पार पडले या अभियानात माजी नगराध्यक्ष संजय झाडे, माजी जि.प. सदस्य स्वाती वडपल्लीवार, अमर बोडलावार, मनिष वासमवार, कृउबा इंद्रपाल धुडसे, स्वप्निल अनमूलवार, संजय वडस्कर, समिर निमगडे, चंद्रजित गव्हारे, प्रविण धोडरे, संदिप पौरकर, राकेश पून, सुरेखाताई श्रीकोंडावार, भानेश येग्गेवार, सुनिताताई येग्गेवार, गणेश डहाळे, साईनाथ मास्टे, चौधरी सर, धानापूरच्या सरपंचा योगीता वडस्कर, चेक घडोलीचे सरपंच अण्णा उलेंदला, भनारहेटीचे सरपंच भोयर ताई, कल्पनाताई अवथरे, भंगाराम तळोधीचे सरपंच, उपसरपंच, समिर निमगडे यांचेसह अनेक प्रमुख पदाधिकारी सहभागी झाले होते