आरतीचा मान भूमी अभिलेख उपअधीक्षक रचना जाधव यांना
चांदा ब्लास्ट प्रतिनिधी. प्रा. अशोक डोईफोडे
शहरातील शिवशक्ती नगर येथे नवरात्रोत्सवाचा उत्साह मोठ्या प्रमाणात पाहायला मिळत असून संपूर्ण परिसर भक्तिमय वातावरणात न्हाऊन निघाला आहे. या नवरात्रोत्सवाच्या विशेष प्रसंगी शिवशक्ती नगरातील श्री दुर्गा देवीच्या महाआरतीचा बहुमान भूमी अभिलेख उपअधीक्षक रचना जाधव यांना देण्यात आला.
या महाआरती व धार्मिक कार्यक्रमाला महसूल संघटनेचे तालुका अध्यक्ष संजय सोनुने यांच्यासह परिसरातील नागरिक व ग्रामस्थ मोठ्या संख्येने उपस्थित होते.
‘दुर्गा देवी ही आदिशक्ती व प्रेरणेचे प्रतीक’ – भूमी अभिलेख उपअधीक्षक रचना जाधव
आरतीनंतर उपस्थितांशी संवाद साधताना भूमी अभिलेख उपअधीक्षक रचना जाधव यांनी श्री दुर्गा देवीच्या महिमा व नवरात्राच्या महत्त्वाबद्दल आपले मनोगत व्यक्त केले. भूमी अभिलेख उपअधीक्षक रचना जाधव म्हणाल्या: “दुर्गा देवी ही केवळ भक्तीचे स्थान नसून ती आदिशक्ती, संयम आणि धैर्याचे प्रतीक आहे. नवरात्राचे नऊ दिवस आपल्याला दुष्ट प्रवृत्तींचा नाश करून चांगल्या विचारांची आणि सकारात्मकतेची पेरणी करण्याची प्रेरणा देतात. आजच्या युगात प्रत्येक स्त्रीमध्ये दुर्गा देवीचेच तेज दडलेले आहे. सर्वांनी एकत्र येऊन हा उत्सव शांततेत आणि भक्तिभावाने साजरा करावा.”
याप्रसंगी शिवशक्ती नगरातील आरतीचा मान मिळाल्याबद्दल भूमी अभिलेख उपअधीक्षक रचना जाधव यांनी आयोजकांचे व ग्रामस्थांचे आभार मानले.
या कार्यक्रमाला जयश्री सोनुने, दिपाली म्हस्के, शुभांगी मगर,रेखा टेकाम, रंजना उईके स्वाती ढवळे,भारती सोनुने, कल्पना गायकवाड, अश्विनी ताई,व इतर महीला उपस्थित होत्या.
शालीक टेकाम, सेवा निवृत्त लेखापाल,रवी ढवळे पत्रकार उईके साहेब, डॉक्टर गायकवाड,उसरे साहेब ईश्वरराव दळवी, पालवे साहेब, हुसे सर,महसूल संघटनेचे तालुका अध्यक्ष संजय सोनुने, शिवशक्ती नगरातील नागरिक, महिला, युवक व भाविक भक्त मोठ्या संख्येने हजर होते. अत्यंत भक्तिमय आणि उत्साही वातावरणात हा महाआरतीचा कार्यक्रम पार पडला. भूमी अभिलेख उपअधीक्षक रचना जाधव यांच्या या प्रेरक मनोगताचे व उपस्थितीचे उपस्थितांमधून विशेष कौतुक करण्यात आले.
