श्री संत गजानन महाराजांच्या निस्सीम भक्ताच्या उत्तर कार्याला शेगाव, आळंदीसह राज्यभरातून वारकरी संतांची उपस्थिती
चांदा ब्लास्ट प्रतिनिधी. प्रा. अशोक डोईफोडे
सिंदखेड राजा येथील ह.भ.प. बालाजी महाराज तिडके यांचे वडील, स्वर्गीय सखाराम जानजीबा तिडके यांच्या उत्तर कार्यानिमित्त आणि तेरवीच्या कार्यक्रमात नुकताच एक अत्यंत भक्तिमय व भारदस्त सोहळा पार पडला. या धार्मिक कार्यक्रमात प्रसिद्ध कीर्तनकार ह.भ.प. संतोष महाराज खेडकर खंडाळे, राजनगाव गणपती ,यांच्या सुमधुर कीर्तनाचा कार्यक्रम मोठ्या उत्साहात संपन्न झाला, ज्याचा लाभ हजारो भाविकांनी घेतला.
नामवंत वारकरी व मृदंग वादकांची उपस्थिती होती,
या धार्मिक सोहळ्यात वारकरी संप्रदायातील नामवंत कलाकारांची विशेष उपस्थिती होती. ह.भ.प. धनंजय महाराज खरात (शेगाव), ह.भ.प. गणेश महाराज ईलग (शेगाव), श्री बंडू महाराज खरात (जांभोरा) आणि इतर टाळकरी गायक वादकयानी दिली. तसेच, मृदंग सेवा ज्ञानेश्वर महाराज जाधव, वैभव महाराज इंगळे, सोपान महाराज कायंदे आणि शशिकांत महाराज मुंडे या प्रतिभावान मृदंग वादक मंडळींनी उत्कृष्टपणे बजावली.
स्वर्गीय सखाराम जानजीबा तिडके यांच्या उत्तर कार्यानिमित्त या वेळी एका छोट्या व सस्नेह सत्काराचे आयोजन करण्यात आले होते. याप्रसंगी डी.वाय.एस.पी. बांगर साहेब, महाराष्ट्र वारकरी परिषदेचे अध्यक्ष ह.भ.प. बाळासाहेब ढोकले (आळंदी देवाची), संजय सोनुने ,यांच्यासह आळंदी, शेगाव आणि परिसरातील अनेक नामांकित वारकरी संत मंडळी व नागरिक मोठ्या संख्येने उपस्थित होते.
मयत झालेले ह.भ.प. सखाराम महाराज हे शेगावच्या श्री संत गजानन महाराजांचे निस्सीम आणि एकनिष्ठ भक्त होते. गजानन महाराजांची भक्ती हेच त्यांचे एकमेव जीवनकार्य होते. त्यांच्या या अफाट भक्तीमुळे व साधनेमुळेच त्यांच्या याच निस्सीम भक्तिमय कार्याचा गौरव म्हणून शेगाव आणि आळंदी येथील प्रसिद्ध महाराजांची व वारकरी संतांची उपस्थिती या सोहळ्यात प्रकर्षाने दिसून आली.
या संपूर्ण कार्यक्रमामुळे संपूर्ण सिंदखेडराजा नगरीत काही काळासाठी एक आगळेवेगळे आणि भारलेले भक्तिमय वातावरण तयार झाले होते.
