गांजा अंमली पदार्थाची विक्री करीता वाहतुक करणारा गुन्हेगार व त्याचा अल्पवयीन साथीदार स्थानिक गुन्हे शाखेच्या जाळ्यात
चांदा ब्लास्ट प्रतिनिधी. अविनाश नागदेवे
मा. श्री. अनुराग जैन पोलीस अधीक्षक वर्धा यांनी अंमली पदार्थ बाळगणारे व विक्री करणारे गुन्हेगारांवर धडक कारवाई करण्याचे स्थानिक गुन्हे शाखेस आदेशीत केल्याने, त्या अनुषंगाने अंमली पदार्थांची विक्री करणा-या गुन्हेगारांवर कारवाई करण्याची स्थानिक गुन्हे शाखेने धडक मोहिम राबविली असुन, दि. 25 सप्टेंबर 2025 रोजी रात्रदरम्यान स्था.गु.शा. वर्धा चे पथक पोलीस स्टेशन वर्धा शहर हद्दीत पेट्रोलिंग करीत असतांना, त्यांना मिळालेल्या गोपणीय माहितीवरून वायगाव (नि.) ते वर्धा रोडवर, बोरगाव मेघे वर्धा येथे सापळा रचुन आरोपी नामे सुधांशु राजकुमार रामटेके, वय 20 वर्ष, रा. सिध्दार्थ नगर बोरगाव मेघे वर्धा व त्याचा अल्पवयीन साथीदार यांचेवर एन.डी.पि.एस. कायद्याचे तरतुदींचे तंतोतंत पालन करून रेड केला असता, नमुद आरोपी व वि.सं.बालक हे त्यांचे ताब्यातील एका पांढ-या रंगाच्या सुझुकी अॅक्सेस 125 मोपेड क्र. एम.एच. 32 ए.झेड. 8597 वरून गांजा अंमली पदार्थांची विक्री करीता वाहतुक करतांना मिळुन आले. सदर गांजाचा माल त्यांनी आरोपी शहबाज चांद शेख रा. झाकीर हुसेन कॉलोनी बोरगाव मेघे वर्धा याचेकडुन खरेदी केल्याचे निष्पन्न झाल्याने, जागीचं जप्ती पंचनामा कार्यवाही करून आरोपी व वि.सं.बालकाचे ताब्यातुन 1 किलो 107 ग्रॅम गांजा अंमली पदार्थ, मोपेड व 02 मोबाईलसह जु.कि. 1,57,140 रू चा मुद्देमाल जप्त करण्यात आला असुन, 02 आरोपी व वि.सं.बालकाविरूध्द पो.स्टे. वर्धा शहर येथे एन.डी.पि.एस. कायद्यान्वये गुन्हा नोंद करण्यात आला आहेत.
सदरची कार्यवाही पोलीस अधिक्षक श्री. अनुराग जैन, अपर पोलीस अधीक्षक श्री. सदाशिव वाघमारे, यांचे निर्देशाप्रमाणे स्थानिक गुन्हे शाखा जि. वर्धा चे पोलीस निरीक्षक श्री. विनोद चौधरी, पो.उपनि. सलाम कुरेशी, पो.अं अरविंद येनुरकर, रोशन निंबोळकर, रवि पुरोहित, गजानन दरणे अभिषेक नाईक सर्व नेमणुक स्थानिक गुन्हे शाखा वर्धा यांनी केली.
