सिंदखेडराजा उप विभागीय महसूल कर्मचारी संघटनेच्या अध्यक्षपदी विकी जगताप तर तालुका अध्यक्षपदी संजय सोनुने 

चांदा ब्लास्ट प्रतिनिधी. प्रा. अशोक डोईफोडे

बुलढाणा जिल्हा महसुल कर्मचारी संघटना ची सभा तहसील कार्यालय सिंदखेड राजा येथे 19 सप्टेंबर रोजी पार पडली, सभेला बुलढाणा जिल्हा अध्यक्ष तथा राज्य सरचिटणीस किशोर हटकर व महसुल कर्मचारी सहकारी पत संस्थेचे सचिव मिलिंद पाटील प्रामुख्याने उपस्थित होते.

यावेळी सिंदखेड राजा उप विभागीय महसूल कर्मचारी संघटनेच्या अध्यक्ष पदी विकी जगताप यांची तर सिंदखेड राजा तालुका महसूल कर्मचारी संघटनेच्या अध्यक्ष पदी संजय सोनुने यांची एकमताने निवड करण्यात आली.

याप्रसंगी बुलढाणा जिल्हा उपाध्यक्ष कैलास राऊत, प्रल्हाद शेळके, निवासी नायब तहसीलदार प्रांजल पवार, पदाधिकारी व कर्मचारी उपस्थित होते, सभे मध्ये विविध प्रश्नांवर सकारात्मक चर्चा झाली. या सभेला सिंदखेड राजा उप विभागातील सर्व महसूल पदाधिकारी व कर्मचारी उपस्थित होते.

नव नियुक्त अध्यक्ष विकी जगताप व संजय सोनुने यांचे स्वागत करण्यात आले.