सोमय्या पॉलीटेक्नीक येथे प्रजासत्ताक दिन साजरा

चांदा ब्लास्ट

            महाराष्ट्र शिक्षण प्रसारक मंडळ चंद्रपूर व्दारा संचालित सोमय्या पॉलीटेक्नीक,मॅकरून स्टूडेंट अॅकेडमी, प्रायव्हेट आय.टी.आय., यांचा संयुक्तरित्या प्रजासत्ताक दिन उत्साहात साजरा करण्यात आला.

         या कार्यक्रमाकरिता प्रमुख पाहुणे संस्थेचे अध्यक्ष पी. एस. आंबटकर, उपाध्यक्ष पियुष आंबटकर, डायरेक्टर अंकिता पियुष आंबटकर, प्राचार्य श्री. अनिल खुजे, प्रा. राजकुमार,प्रा. अमित जोगी, मंचावर उपस्थि होते.कार्यक्रमाच्या सुरूवातीला संस्थेचे डायरेक्टर अंकिता पियुष आंबटकर हयांच्या हस्ते ध्वजारोहण करण्यात आले, यानंतर माता सरस्वतीच्या प्रतिमेला माल्यार्पण व दिपप्रज्वलन करून कार्यक्रमाची सुरूवात करण्यात आली, हया प्रसंगी सामुहिक फ्लॅग सेल्यूट परेड, देश भक्तीपर गीत, नुत्य सादर केले.

          संस्थेचे डायरेक्टर अंकिता पियुष आंबटकर यांनी विध्यार्थाना मार्गदर्शन करित असतांना 26 जानेवारी हा गणराज्य दिन म्हणून ओळखला जातो, भारताला ब्रिटीश राजवटी पासून 15 ऑगस्ट 1947 रोजी स्वातंत्र मिळाले, यामागे भारताचा स्वातंत्र लढा आणि महात्मा गांधी यांच्या अहिंसा पध्दतीचा मोठा सहभाग आहे. डाॅ.बाबासाहेब आंबेडकर यांच्या अध्यक्षते खाली एक संमीती नेमली गेली, बरेच विचार विमर्श करून 26 जानेवारी रोजी संपूर्ण राष्ट्रासाठी संविधान लागू करण्यात आले, भारताची राज्यघटना या दिवशी अंमलात आली, भारतीय संविधान हे संपूर्ण जगातील सर्वात मोठे लिखीत संविधान आहे.

          या संविधानाने सर्व धर्मातील लोकांना समान दर्जा दिलेला आहे. या संविधानाने आपले हक्क आणि अधिकरांसाठी लढण्याची ताकद दिलेली आहे. आज आपण स्वतंत्र भारतात जीवन जगत आहोत, भारतीय संविधानाने दिलेली हि खूप अनमोल ताकद आहे. भारत हा खूप शक्तीशाली देश आहे. आज अखेर आपल्या देशाने अनेक संकटावर मात केली आहे. प्रजासत्ताक दिवस हा एक प्रकारे भारताचा राष्ट्रीयउत्सव आहे.,म्हणून आपण साजरा करतो.

    विद्यार्थानी 26 जानेवारी देशभक्तीपर भाषण दीले. गीते गायली, तसेच विध्यार्था, शिक्षक व शिक्षेकेत्तर कर्मचारी यांनी एकमेकांना गणराज्य दिनाच्या शुभेच्छा दिल्या, प्रजास्त्ताक दिन दरवर्षी मोठया उत्सहाने साजरा केल्या जातो.त्यामुळे प्रत्येकाच्या मनात राष्ट्रप्रेम अधिक उजळून निघते.

      या कार्यक्रमाचे सुत्रसंचालन नौशाद सिध्दीकी यांनी केले.