आर.आर. घुग्घुस चौकात नव्याने बांधकामाधीन पूल “जय श्री राम उडान पूल”…

चांदा ब्लास्ट

 घुग्घुस (चंद्रपूर) : आर.आर.चौक, घुग्घुस येथे महत्त्वाच्या नव्याने बांधकामाधीन पूल काम सुरू आहे. या पुलामुळे केवळ प्रादेशिक वाहतुकीची सोय होणार नाही तर घुग्घुस व परिसरातील सामाजिक व आर्थिक विकास होण्यास मदत होणार आहे.

 “ब्रेथ ऑफ लाइफ मल्टीपर्पज सोसायटी” च्या वतीने संस्थेचे संस्थापक व अध्यक्ष प्रणयाम कुमार बंडी यांनी या नव्याने बांधकामाधीन पुलाचे नाव “जय श्री राम उडान पूल” किंवा “डॉ. बाबासाहेब आंबेडकर पूल” असे ठेवावे, अशी विनंती केली आहे. ते म्हणतात की हे नाव भारतीय संस्कृती, धार्मिक श्रद्धा आणि सामाजिक ऐक्याचे प्रतीक बनेल आणि स्थानिक लोकांसाठी प्रेरणास्त्रोत देखील असेल.

 हे निवेदन मुख्यमंत्री, रेल्वे मंत्री आणि रस्ते वाहतूक मंत्री, महाराष्ट्र सरकार/केंद्र सरकार यांना पाठवण्यात आले आहे. सोबतच त्याची प्रत जिल्हाधिकारी, जिल्हाधिकारी कार्यालय, चंद्रपूर आणि मुख्याधिकारी, घुग्घुस नगर परिषद कार्यालय यांना डिजिटल इंडिया अंतर्गत ईमेलद्वारे पाठविण्यात आली आहे. 21 जानेवारी 2024 रोजी हे निवेदन पाठवण्यात आले.