घोडपेठ येथे स्पर्धा परीक्षा अभ्यासिका करण्याची आ. देवतळे यांच्याकडे मागणी

चांदा ब्लास्ट प्रतिनिधी. अतुल कोल्हे

          घोडपेठ व परिसरातील विद्यार्थ्यांच्या शैक्षणिक प्रगतीसाठी स्पर्धा परीक्षा अभ्यासिका जिल्हा वार्षिक योजना नावीन्यपूर्ण विकास योजना अंतर्गत घोडपेठ येथे अभ्यासिका करण्याबाबतचे निवेदन मा. आमदार श्री. करण देवतळे वरोरा विधानसभा क्षेत्र यांना देण्यात आले.हे निवेदन भारतीय जनता पक्ष भद्रावती ग्रामीणचे तालुका अध्यक्ष श्री. शामसुंदर उरकुडे यांच्या नेतृत्वात देण्यात आले.ग्रामीण विद्यार्थ्यांसाठी अत्यंत महत्त्वाचा उपक्रम स्पर्धा परीक्षा देऊ इच्छिणाऱ्या ग्रामीण भागातील विद्यार्थ्यांना योग्य, सुरक्षित व सुविधायुक्त अभ्यासस्थान उपलब्ध व्हावे, तसेच त्यांच्या करिअर घडविण्यास मदत व्हावी, या उद्देशाने ही मागणी करण्यात आली. यामुळे अनेक विद्यार्थ्यांना दर्जेदार अध्ययनाची संधी उपलब्ध होणार असून शैक्षणिक वातावरण अधिक सक्षम होण्यास मदत होणार आहे.

निवेदन देताना आशिष घोटकर, अरविंद जुमनाके, हेमंत फरकाडे, भूषण नांदे, हेमंत तोडासे, वैभव गोहोकार, आशिष शिरपूरकर आदी उपस्थित होते. या महत्त्वपूर्ण मागणीवर आमदार करण देवतळे यांनी सकारात्मक प्रतिसाद देत लवकरच आवश्यक ती कार्यवाही करण्यात येईल असे आश्वासन दिले.