न.प.गाधी विद्यालयाच्या विद्यार्थ्यांचा जिल्हाधिकारी यांचे हस्ते प्रशस्तीपत्र देऊन गौरव

चांदा ब्लास्ट प्रतिनिधी. मुन्ना खेडकर

लोकसभा सार्वत्रिक निवडणूक २०२४ अंतर्गत १३ चंद्रपूर लोकसभा मतदार संघात मतदारांमध्ये मतदानाकरीता उत्साह निर्माण व्हावा व त्यांचा संपुर्ण सहभाग नोंदवून मतदानाची टक्केवारी वाढविण्यासाठी Systematic voters education and electoral Participation या ‘SVEEP’ कार्यक्रमा अंतर्गत “तुमचे मत द्या” स्पर्धा आयोजित करण्यात आली होती.यावर आधारित रील्स व्हिडिओ,मिम्स व पोस्टर स्पर्धा आयोजित करण्यात आली होती.

निवडणूक आयोगाच्या निर्देशानुसार या स्पर्धा चंद्रपूर जिल्ह्यात देखील प्रशासनाकडून आयोजित करण्यात आल्या होत्या.सदर स्पर्धेत नगर परिषद गांधी विद्यालयाच्या इ.५वी व ६वी च्या ९ विद्यार्थ्यांनी सहभाग घेत उत्कृष्ठ मतदार जनजागृती रील तयार केली. विद्यार्थ्यांमधील लोकशाही शिक्षण व नागरिकशास्त्रातील मूल्यांचा वाढ व विकास होऊन प्रत्यक्ष अनुभवातून जीवनाभिमूख लोकशाही शिक्षण मिळावे या उदात्त हेतूने शाळेच्या वतीने स्पर्धेत विद्यार्थ्यांचा सहभाग घेण्यात आला होता.दि.६/५/२०२४ ला मा.जिल्हाधिकारी विनय गौडा यांनी या विद्यार्थ्यांच्या उत्कृष्ट मतदार जनजागृती रीलची दखल घेत नियोजन भवन चंद्रपूर येथे आयोजित कार्यक्रमात सदर सहभागी वर्गशिक्षिका दिप्ती राजेश मुसनवार व सहभागी विद्यार्थ्यांना आमंत्रित केले व त्यांना प्रशस्तीपत्र देऊन गौरविण्यात आले.तसेच प्रत्यक्ष जिल्हाधिकारी कक्षात विद्यार्थ्यांशी संवाद साधून प्रोत्साहित केले.

यामुळे विद्यार्थी पालक व शिक्षकांमध्ये उत्साह व आनंदी वातावरण निर्माण झाले.यात इ.६वी तील प्रियंका हरिदास नांगरे, गुंजन प्रशांत गायकवाड व इ.५वी तील तमन्ना संतोष गिरी,संप्रीत शंकर पुतडवार, हर्षिता विजय सातपुते,आकांक्षा संजय बोरकर,मानसी नरेश खंडागळे,अलीशा अमर वर्मा,सुबैन इरफान शेख या विद्यार्थ्यांनी सहभाग घेतला होता.शाळेच्या वतीने मुख्याध्यापक श्री.कडूकर सर व सर्व शिक्षकांनी मुलांचे अभिनंदन केले आहे.