आमदार मनोज कायंदे यांच्या प्रयत्नातून देऊळगाव राजा व सिंदखेड राजा येथे होणार 12 मंडळ अधिकारी व 18 तलाठी कार्यालय बांधकाम

चांदा ब्लास्ट प्रतिनिधी. प्रा. अशोक डोईफोडे

सिंदखेड राजा विधानसभा क्षेत्राचे युवा तडफदार आमदार मनोज कायंदे यांनी विकास कामाचा झंझावात सुरू केला आहे. देऊळगाव राजा येथे 5 मंडळ अधिकारी कार्यालय व सिंदखेड राजा येथे 5 मंडळ अधिकारी कार्यालय व 18 तलाठी कार्यालय बांधकाम करण्यासाठीं 4.95 कोटी रुपयांची मंजुरी द्यावी अशी मागणी आमदार मनोज कायंदे यांनी उप मुख्यमंत्री तथा अर्थमंत्री अजितदादा पवार यांच्या कडे 4 फेब्रुवारीला केली होती.

अजितदादा पवार यांनी या मागणीची तात्काळ दखल घेत मंडळ अधिकारी कार्यालय व तलाठी कार्यालय बांधकाम करण्यासाठीं 4,95 कोटी रुपयांची मंजुरी 25 फेब्रुवारी रोजी देण्यात आली आहे. त्यानुसार देऊळगाव राजा येथे 5 मंडळ अधिकारी कार्यालय बांधकाम साठी 1कोटी 5लाख 14 हजार रुपये

सिंदखेड राजा येथे 18 तलाठी कार्यालय बांधकाम करण्यासाठीं 2 कोटी 43 लाख 97 हजार रुपये, तसेच 7 मंडळ अधिकारी कार्यालय बांधकाम करण्यासाठीं 1 कोटी 45 लाख 84 हजार रुपये मंजूर करण्यात आले आहेत.

अशा प्रकारे एकूण 4 कोटी 95 लाख रुपयांचा निधी मंजूर करण्यात आला आहे, देऊळगाव राजा व सिंदखेड राजा येथे नवीन प्रशस्त मंडळ अधिकारी कार्यालय व तलाठी कार्यालय बांधकाम लवकरच सुरू होणार आहे