कॅन्सर रुग्णाला दिली आर्थिक मदत

चांदा ब्लास्ट प्रतिनिधी. प्रा. शेखर प्यारमवार

सावली शहरातील कॅन्सरग्रस्त रुग्ण केशव रायपूरे वय ५५ वर्षे हे घरातील कर्तबगार कुटुंब प्रमुख होते बऱ्याच दिवसापासून प्राथमिक उपचार करीत होत्या परंतु वारंवार त्यांना अस्वस्थ जाणवत होते,उपचारदरम्यान त्यांना कॅन्सर असल्याचे डॉक्टरांनी स्पष्ट केले घरातील परिस्थिती अत्यंत बिकट असल्याने पूढील उपचार सुरु असताना दिनांक २३/०२/२०२४ ला मृत पावले तसेच सावली येथील विजयभाऊ वडेट्टीवार यांचे जनसंपर्क कार्यालय प्रमुख कमलेश गेडाम यांचे वडील विलास गेडाम यांची प्रकृती चिंताजनक असल्याने ते नागपूर येथे भरती आहेत दोन्ही कुटुंबाना आर्थिक मदत हवी असल्याची माहिती सावली तालूका काँग्रेस कमिटीचे अध्यक्ष नितीन गोहने यांना मिळाली तात्काळ त्यांनी राज्याचे विरोधी पक्षनेते व सावली- ब्रम्हपुरी विधानसभा क्षेत्राचे आमदार विजय वडेट्टीवार यांच्याशी संपर्क साधून आर्थिक मदत मिळवून दिली.

सदर आर्थिक मदत देताना सावली शहर काँग्रेस कमिटीचे अध्यक्ष व नगरसेवक विजय मुत्यालवार,माजी सभापती प.स.विजय कोरेवार,जेष्ठ काँग्रेस कार्यकर्ते प्रशांत राईंचवार,बाबुराव घोनमोडे,सार्वजनिक आरोग्य,स्वच्छता व पाणीपुरवठा सभापती प्रितम गेडाम,माजी उपनगराध्यक्ष मा.भोगेश्वर मोहुर्ले,नगरसेवक प्रफुल वाळके,नगरसेवक अंतबोध बोरकर,जनसंपर्क कार्यालय प्रमुख कमलेश गेडाम,मृणाल गोल कोंडावार,कुणाल मालवनकर,विजयदूत प्रतिक गेडाम आदी मान्यवर उपस्थित होते.