तीन दिवसीय वार्षिक स्नेहसंमेलनाचे आयोजन

चांदा ब्लास्ट प्रतिनिधी. शेखर प्यारमवार

    भारत शिक्षण प्रसारक मंडळ सावली द्वारा संचालित विश्वशांती विद्यालय तथा उच्च माध्यमिक विद्यालय सावली येथे दिनांक २८, २९ आणि ३० डिसेंबर २०२३ या कालावधीत वार्षिक स्नेहसंमेलनाचे आयोजन करण्यात आले आहे.

   विद्यार्थ्यांच्या सुप्त कलागुणांना वाव देण्यासाठी तसेच विद्यार्थ्यांच्या शारीरिक व बौद्धिक विकास साधण्यासाठी दरवर्षी विद्यालयात स्नेहसंमेलन घेण्यात येतो. सदर स्नेहसंमेलनाचे उद्घाटन भारत शिक्षण प्रसारक मंडळाचे अध्यक्ष संदीपभाऊ गड्डमवार यांच्या हस्ते होणार असून कार्यक्रमाचे अध्यक्ष सचिव राजाबाळ पाटील संगीडवार यांचे उपस्थितीत मंडळाचे पदाधिकारी व सदस्य उपस्थित राहणार आहेत.

       तीन दिवस चालणाऱ्या स्नेहसंमेलनात विद्यार्थ्यांसाठी कबड्डी,खो-खो,रनिंग,गोळा फेक, बुद्धिबळ,व्हॉलीबॉल इत्यादी मैदानी खेळ तर वादविवाद स्पर्धा,वक्तृत्व स्पर्धा,गीतगायन स्पर्धा,प्रश्नमंजुषा,बचाव स्पर्धा व सांस्कृतिक कार्यक्रम इत्यादी बौद्धिक स्पर्धा घेण्यात येणार आहेत. तसेच सावली पोलीस स्टेशनचे ठाणेदार आशिषजी बोरकर व पंचायत समितीचे गटविकास अधिकारी मधुकरजी वासनिक यांचे मार्गदर्शन विद्यार्थ्यांना लाभणार आहे.

      आयोजित स्नेहसंमेलनात विद्यालयातील जास्तीत जास्त विद्यार्थी आणि सोबत पालकांनी सुद्धा सहभाग घ्यावा असे आवाहन विद्यालयाचे मुख्याध्यापक रवींद्र मुप्पावार यांनी केले आहे.