मेहेर रेस्टॉरंट समोर गळा चिरून इसमाची हत्या – चोरीच्या उद्देशाने हत्या झाल्याची शक्यता
चांदा ब्लास्ट जिल्हा प्रतिनिधी
जितेंद्र चोरडिया चंद्रपूर
चंद्रपूर शहराची मध्यवर्ती बाजारपेठ असलेल्या गोल बाजार परिसरात पहाटे 3 ते 4 वाजताच्या दरम्यान एका इसमाची धारधार शस्त्राने गळा चिरून हत्या करण्यात आल्याची धक्कादायक घटना आज रविवार दिनांक 3 सप्टेंबर रोजी सकाळीच उघडकीस आल्याने खळबळ उडाली आहे.
प्राप्त माहितीनुसार गोल बाजार परिसरातील मेहेर रेस्टॉरंट समोर एका इसमाचा मृतदेह पडुन असल्याची माहिती कळताच शहर पोलीस चमु घटनास्थळी पोहचली. मृतदेहाचे निरीक्षण केले असता सदर इसमाचा मृत्यू गळा चिरून करण्यात असल्याचे स्पष्ट होत आहे. मृत्यूमुखी पडलेला इसम बऱ्याच वर्षांपासून बाजारात भिक मागुन उदरनिर्वाह करत होता व रात्रीच्या वेळी त्याच भागात आडोशाला झोपत असल्याचेही कळले.
मयत भिकऱ्याच्या पायाला दुखापत असल्याने तो जास्त चालत फिरत नव्हता. या भिकाऱ्याची हत्या करण्यापूर्वी त्याचे समान अस्तव्यस्त करून फेकल्याचे आढळुन आले असल्याने ही हत्या त्याचा कडे असलेले पैसे हिसकावण्याच्या उद्देशाने केली असण्याची शक्यता व्यक्त करण्यात येत आहे. घटना कळताच शहर पोलीस सकाळ पासून संपूर्ण परिसरात शोध घेत असुन बातमी लिहितपर्यंत हत्या करण्यासाठी वापरण्यात आलेले शस्त्र सापडले नसुन हत्या कोणी केली असावी ह्याचा अंदाज लागलेला नाही मात्र गोल बाजार परिसरात असेल्या दुकानांच्या सीसीटिव्ही फुटेज करून गुन्हेगाराचा शोध घेणे शक्य होईल असे पोलिसांचे मत आहे.
