समर्थ कृषी महाविद्यालयात बेटी बचाओ बेटी पढाओ एक दिवसीय कार्यशाळा संपन्न
चांदा ब्लास्ट प्रतिनिधी.प्रा. अशोक डोईफोडे
डॉ. पंजाबराव देशमुख कृषी विद्यापीठ, अकोला संलग्न समर्थ कृषी महाविद्यालय, देऊळगाव राजा येथे राष्ट्रीय सेवा योजनेअंतर्गत महाविद्यालयात “बेटी बचाओ बेटी पढाओ” उपक्रमाचे महत्त्व या विषयावर व्याख्यान आयोजित करण्यात आले होते.
रासेयो सहकार्यक्रम अधिकारी प्रा. अश्विनी जाधव यांनी या विषयावर आपले विचार मांडले. या कार्यक्रमाचा उद्देश आपल्या समाजात मुलींना शिक्षित करणे आणि सक्षमीकरणाचे महत्त्व याबद्दल जागरूकता निर्माण करणे हा होता. रासेयो सह कार्यक्रम अधिकारी प्रा. अश्विनी जाधव यांनी मुलींना शिक्षित करणे आणि त्यांना वाढण्यासाठी आणि विकासासाठी समान संधी उपलब्ध करून देणे यावर भर दिला. त्यांनी आपल्या समाजात मुलींना भेडसावणाऱ्या आव्हानांवर देखील चर्चा केली ज्यात शिक्षणाचा अभाव, बालविवाह, हुंडा यासारख्या सर्व गोष्टींचा समावेश आहे.
तसेच त्यांनी मुलींना सक्षमीकरण आणि शिक्षणासाठी सरकार आणि सरकारी उपक्रमांच्या योजना आणि मुलींना शिक्षण आणि सक्षमीकरणात समाजाची भूमिका याबद्दल चर्चा केली. या कार्यक्रमासाठी महाविद्यालयाचे प्राचार्य डॉ. नितीन मेहेत्रे, रासेयो कार्यक्रम अधिकारी प्रा किरण ठाकरे, प्रा.योगेश चगदळे, संजय लाड, इतर शिक्षक व शिक्षकेत्तर कर्मचारी व विद्यार्थी उपस्थित होते.
