किर्तन हे जनजागरणाचे प्रभावी माध्यम – आ. धानोरकर
चांदा ब्लास्ट
भद्रावती तालुक्यातील घोडपेठ येथील विठ्ठल रुक्माई देवस्थान प्रांगणात रविवारी २७ नोव्हेंबर २०२३ रात्री ७ वाजता भव्य किर्तन सोहळा पार पडला. या सोहळ्याचे अध्यक्षस्थानी वरोरा-भद्रावती विधानसभा क्षेत्र आमदार प्रतिभाताई धानोरकर होते. यावेळी उपस्थितांना संबोधित करतांना किर्तन हे जनजागरणाचे प्रभावी माध्यम असल्याचे प्रतिपादन त्यांनी केले.
यावेळी सरपंच अनिल खडके, उपसरपंच प्रदीप देवगडे, ईश्वर निखाडे, अशोक येरगुडे, माजी सैनिक नरेंद्र चाफले, पुजाराम तुरारे, मेजर शेंडे, कवडू ठाकरे, शेखर रंगारी, विमल निमकर, प्रतिभा परचाके, वैशाली उरकुडे, ज्योती मोरे, विनोद मडावी, कांताबाई बोबडे, कविता शेरकी, देवा शंकावार, शरद रामटेके, वैशाली तेलांडे यासह अन्य मान्यवर उपस्थित होते.
या सोहळ्यात ह. भ. प. पुंडलिकराव गाडगे महाराज यांनी मार्गदर्शन केले. त्यांनी विठ्ठल-रुक्माईच्या भक्तीचा आणि भगवतगीतेतील तत्त्वज्ञानाचा सखोल आढावा घेतला. त्यांच्या प्रवचनांमध्ये श्रोत्यांना भगवंताच्या चरणी लीन होण्याचे आवाहन केले.
या सोहळ्याला भद्रावती तालुक्यातील विविध भागातून मोठ्या संख्येने भाविकांनी उपस्थिती लावली होती. त्यांनी किर्तन सोहळा आनंदाने साजरा केला. या सोहळ्याचे आयोजन घोडपेठ येथील विठ्ठल रुक्माई देवस्थान समितीने केले होते. या सोहळ्यासाठी देवस्थान समितीने सर्वतोपरी तयारी केली होती.