वरोरा-माढेळी रस्त्यावरील वाहतूक समस्येवर उपाययोजना करा

चांदा ब्लास्ट प्रतिनिधी. अतुल कोल्हे

        एकोणा कोळसा खाण सुरु झाल्यापासून वरोरा-माढेळी रस्त्यावर वेकोलीच्या अवजड वाहणांची संख्या वाढल्याने हा रस्ता अत्यंत खराब झालेला आहे.याशिवाय या रस्त्यावर जागोजागी वेकोलीची अवैध वाहणांची पार्कींग केल्या जात असल्यामुळे वाहतुकीला अडथळा निर्माण होऊन या रस्त्यावर अपघाताची संख्या वाढुन रस्ता सर्व सामान्य नागरीकांसाठी धोकादायक झाला आहे.हि समस्या लक्षात घेऊन यावर त्वरीत उपाययोजना करावी.

अन्यथा याविरोधात आम आदमी पक्षातर्फे आंदोलन उभारण्यात येईल असा इशारा आम आदमी पक्षातर्फे एकोणा क्षेत्रीय महाप्रबंधकांना सादर करण्यात आलेल्या निवेदनातून देण्यात आला आहे.निवेदन सादर करतांना आम आदमी पक्षाचे जिल्हा ऊपाध्यक्ष सुरज शहा,युवा जिल्हा ऊपाध्यक्ष सुमीत हस्तक, वरोरा तालुकाध्यक्ष गौरव मेले,ऊपाध्यक्ष अमोल पिंपळशेंडे, भद्रावती युवा शहर अध्यक्ष रोहण गज्जेवार वरोरा शहर अध्यक्ष बंटी खडके आदी ऊपस्थीत होते.