शेकडो महिला युवक व पुरुषांचा काॅंग्रेस पक्षात प्रवेश

केंद्रातील मोदी सरकार केवळ धर्माच्या नावाखाली राजकारण करत आहे. विकास मात्र बाजूला अडगळीत पडला आहे. देशात महागाईने उच्चांक गाठला आहे. त्यामुळे जनता त्रस्त झाली असुन काॅंग्रेस पक्षाकडे मोठ्या प्रमाणात नागरिकांचा कल वाढलेला असुन ब्रम्हपूरी शहरासह तालुक्यातील ग्रामीण भागातील शेकडो महिला, युवक व पुरुषांनी काॅंग्रेस पक्षात प्रवेश केला आहे.

राज्याचे विरोधी पक्षनेते तथा ब्रम्हपूरी विधानसभा क्षेत्राचे आमदार विजय वडेट्टीवार यांनी केलेल्या विकासकामांवर व खंबीर नेतृत्वावर विश्वास ठेवून सदर पक्षप्रवेश करण्यात आला आहे.

यावेळी पक्षप्रवेश कार्यक्रमाला प्रामुख्याने माजी जि.प.अध्यक्ष सतीश वारजूरकर, काॅंग्रेसचे माजी जिल्हाध्यक्ष हसन गिलानी, माजी जि.प. अध्यक्ष अजय कंकडालवार, तालुका काँग्रेस कमिटीचे अध्यक्ष खेमराज तिडके, माजी जि.प.सदस्य डॉ. राजेश कांबळे, नगरपरिषदेचे गटनेता विलास विखार, नगरसेवक डॉ. नितीन उराडे, शहर काँग्रेस कमिटीचे कार्याध्यक्ष सुधाकर पोपटे व महीला काँग्रेसच्या सुधाताई राऊत यांसह अन्य मान्यवर उपस्थित होते.

यावेळी पक्षप्रवेश केलेल्यांमध्ये शहरातील हनुमाननगर, गांधीनगर, सुंदरनगर, संत रविदास चौक, पेठवार्ड, गौतमनगर या प्रभागासह तालुक्यातील नान्होरी, अऱ्हेरनवरगाव येथील महिला, युवक व पुरुषांचा समावेश आहे.

यावेळी अऱ्हेरनवरगाव येथील उपसरपंच जितेंद्र कऱ्हाडे, सचिन कऱ्हाडे, सोनू पठाण, किशोर वलके, साहील गजभिये, उमेश सोंदरकर, शुभम बोरसरे, गुलशन अरगेलवार, पेठवार्ड येथील सुरेखा गजभिये, गिता राऊत, निशा प्रधान, माया मेश्राम, नमीता पारधी, अस्मिता मेश्राम, दर्शना मेश्राम, स्वाती तोंडरे, गीता राऊत, ज्योती प्रधान, निता नठे, मिना उपासे, विलोचना डांगे, विद्या ठाकरे, राधा ठवरे, गौतमनगर येथील मंजुळा बन्सोड, निशा नागदेवते, वंदन चहांदे, प्रमिला धनविजय, नितेश शिवुरकार यांसह शेकडो कार्यकर्त्यांनी यावेळी पक्षप्रवेश केला आहे.