धक्कादायक – आदर्श गाव असलेल्या चंदनखेडा ग्रामपंचायतमध्ये रंगली दारू पार्टी ?
ग्रामसेवक किशोर नाईकवार व कर्मचाऱ्यांची गावांतील तरुणांनी केली पोलखोल
चांदा ब्लास्ट प्रतिनिधी. अतुल कोल्हे
जिल्हा परिषद मुख्य कार्यकारी अधिकारी यांच्याकडे होणार तक्रार
आदर्श गाव असलेल्या चंदनखेडा ग्रामपंचायत मध्ये दारू पार्टी रंगल्याची खडबड जनक बाब समोर आली आहे.
माजी खासदार व विद्यमान राष्ट्रीय ओबीसी आयोगाचे अध्यक्ष हंसराज अहिर यांनी दत्तक घेतलेले व आदर्श गाव असलेल्या चंदनखेडा ग्रामपंचायत कार्यालयात ग्रामसेवक किशोर नाईकवार व इतर कर्मचारी यांची दारू पार्टी रंगली असल्याचा खळबळजनक विडियो समोर आला असून या संदर्भात जिल्हा परिषद मुख्य कार्यकारी अधिकारी यांच्याकडे तक्रार देण्यात आल्याची माहिती आहे.
भद्रावती तालुक्यातील चंदनखेडा गाव हे लोकवस्तीने मोठे असून या गावात मोठे राजकारण चालत असते दरम्यान सत्ताधारी आणि विरोधक यांच्यात तेवढे वैर नाही पण येथील ग्रामसेवक मात्र या संधीचा फायदा घेऊन जणू एकछत्री राज्य चालवतात की काय अशीच परिस्थिती आहे. दोन दिवसांपूर्वी यांचं ग्रामपंचायत काही क्रिकेट खेळणारे तरुण यांनी पाणी पिण्यासाठी ग्रामपंचायत मधे गेले असता तिथे दारूच्या दोन बोतल आढळून आल्या व ग्रामसेवक आता आपल्यावर आरोप होतोय म्हणून त्यांनी ग्रामपंचायत मधून पळ काढला. मात्र या सर्व घटनेचा तरुणांनी विडियो काढला असल्याने ही बातमी वाऱ्यासारखी गावात पसरली. आता ग्रामपंचायत च्या या भोंगळ कारभाराविरोधात ग्रामस्थ तरुण जिल्हा परिषदेचे मुख्य कार्यकारी अधिकारी यांच्याकडे तक्रार दाखल करणार असल्याने ग्रामसेवक व इतर कर्मचारी यांच्यावर काय कारवाई होते याकडे गावकऱ्यांचे लक्ष लागलेले आहे.