जिल्हास्तरीय अँथलेटिक्स दौड स्पर्धेत पी.आर.डी. स्पोर्ट्सची कु. स्नेहल फटिंग हिचे सुयश
चांदा ब्लास्ट प्रतिनिधी. नंदु गुद्देवार
चंद्रपुर जिल्हा अँथलेटिक्स असोसिएशन तर्फे विसापूर येथील अटलबिहारीं वाजपेयी क्रीडा संकुल येथे दी.२ व ३ सप्टेंबर २०२३ रोजी आयोजित जिल्हास्तरीय अँथलेटिक्स क्रीडा स्पर्धेत ५० मीटर व १०० मीटर दौड़ स्पर्धेत जिल्हा परिषद प्राथमिक शाळा क्रमांक ४ ब्रम्हपुरीची विद्यार्थिनी वर्ग तिसऱ्या वर्गातील कुमारी स्नेहल हेमंत उर्फ होमराज फटिंग रा. कुर्झा वार्ड विद्यानगर ब्रम्हपुरी या विध्यार्थिनीने प्रथम क्रमांक मिळवत घवघवीत यश संपादन करीत आपल्या शाळेचे व ब्रम्हपुरीचे नावलौकिक केले आहे.
जिल्हास्तरीय विविध प्रकारच्या क्रीडा प्रकारात शालेय मुला-मुलींनी सहभाग घेतलेला होता त्यात कुमारी स्नेहल हिने कमी वयात संपादन केलेल्या यशाचे सर्वांनी भरभरून कौतुक केले आहे आपल्या विजयाचे श्रेय तिने सर्वप्रथम वडील हेमंत फटिंग,आई अश्विनी फटिंग व परिवाराला दिला तसेच प्रशिक्षक. पि. आर.डी.स्पोर्ट्सचे संचालक श्री राहुलजी जुआरे सर शाळेचे मुख्याध्यापक रामकृष्ण चौधरी सर,वर्गशिक्षिका वलारकर मँडम, शेबे सर,शिवनकर सर,चौधरी मँडम यांना दिला आहे
