सावलीच्या राजकारणातील वजनदार नेतृत्व

चांदा ब्लास्ट.गोंडपिपरी. राजेश डोंगरे.

 सावली तालुक्यातील राजकीय व सामाजिक क्षेत्रात आपल्या कार्यशैलीने वेगळी ओळख निर्माण करणारे, जिल्हा परिषदेचे माजी सभापती तथा महाराष्ट्र प्रदेश काँग्रेस कमिटीचे सचिव विजय वडेट्टीवार यांचे खंदे समर्थक दिनेश चिटनुरवार यांचा आज वाढदिवस उत्साहात साजरा होत आहे.

चिटनुरवार यांनी सावली तालुक्यातील राजकारणात सक्रिय राहताना सामान्य नागरिक, कार्यकर्ते आणि विविध सामाजिक घटकांशी सातत्याने संपर्क ठेवला आहे. पक्षसंघटन मजबूत करण्यासाठी तसेच काँग्रेसच्या विचारधारेचा प्रसार करण्यासाठी त्यांनी तालुक्यात सातत्याने काम केले आहे.

विजय वडेट्टीवार यांचे विश्वासू व खंदे समर्थक म्हणून चिटनुरवार यांची तालुक्यात विशेष ओळख आहे. वडेट्टीवार यांच्या नेतृत्वावर विश्वास ठेवून त्यांनी पक्षाच्या विविध उपक्रमांमध्ये सक्रिय सहभाग घेतला आहे. कार्यकर्त्यांच्या अडचणी समजून घेऊन त्या सोडविण्यासाठी पुढाकार घेणारा कार्यकर्ता म्हणूनही त्यांच्याकडे पाहिले जाते.

सावली तालुक्यातील विविध सामाजिक, शैक्षणिक आणि सार्वजनिक प्रश्नांवर त्यांनी वेळोवेळी भूमिका मांडली असून, सर्वसामान्यांच्या प्रश्नांसाठी आवाज उठविण्याचे काम केले आहे. त्यांच्या संपर्कातील कार्यकर्ते आणि समर्थकांकडून वाढदिवसानिमित्त शुभेच्छांचा वर्षाव होत आहे.

राजकारणासोबतच सामाजिक बांधिलकी जपत आगामी काळात तालुक्यातील जनतेच्या प्रश्नांसाठी अधिक जोमाने काम करण्याचा संकल्प दिनेश चिटनुरवार यांच्या वाढदिवसानिमित्त व्यक्त होत आहे.