पोलीस स्टेशन, हिंगणघाट हद्दीतील धोकादायक इसमावर एम.पी.डी.ए. कायद्यान्वये कारवाई
चांदा ब्लास्ट प्रतिनिधी. अविनाश नागदेवे
पोलीस स्टेशन, हिंगणघाट हद्दीतीत धोकादायक इसम भोजराज तुकाराम जंगले, वय ४० वर्ष, रा. खंडोबा वार्ड हिंगणघाट ता. हिंगणघाट जि. वर्धा याचेविरुध्द पोलीस स्टेशन, हिंगणघाटचे अभिलेखावर सन २०१२ पासुन शरीरा विरुध्द एकुण १७ गुन्हे नोंद आहे. ज्यामध्ये स्थानबध्द इसमाविरुध्द जिवानिशी ठार करण्याचा प्रयत्न करणे, साथीदारांसह मिळून दरोडा टाकण्याचा प्रयत्न करणे, प्राणघातक शस्त्र बाळगुन सार्वजनिक ठिकाणी वावरणे, दुखापत करणे, साथीदारासह मिळुन जबरी चोरी करतांना ईच्छापूर्वक दुखापत करणे, साथीदारांसह मिळून अश्लिल शिवीगाळ करुन मारहाण करणे व नुकसान करणे, साथीदारांसह मिळून मृत्यु किंवा जबर दुखापत घडवून आनण्याचा प्रयत्नांसहीत जबरी चोरी किंवा दरोडा टाकणे, साथीदारांसह मिळून घातक हत्यारांनी जबर दुखापत करणे, गैरकायद्याची मंडळी जमवून गृहप्रवेश करुन शिवीगाळ करुन मारण्याची धमकी देवून नुकसान करणे, गैरकायद्याची मंडळी जमवुन घातक हत्यारांनी जबर दुखापत करणे भारतीय दंड संहीता, भारतीय न्याय संहीता तसेच भारतीय हत्यार कायदा अन्वये सतत गुन्हे करण्याच्या सवईचा गुन्हेगार होता. सन २०१२ पासुन स्थानबध्द ईसमाने पोलीस स्टेशन, हिंगणघाट परीसरात जनसामान्यांच्या मनामध्ये स्वतःची प्रचंड दहशत निर्माण केली होती. त्याच्या दहशतीमुळे अनेक पिडीत त्याचे विरुध्द पोलीस स्टेशनला तक्रार देण्यास सुध्दा धजावत नव्हते. त्यामुळे परीसरातील सार्वजनीक शांतता व सुव्यवस्था भंग होवुन सार्वजनीक जिवन विस्कळीत झाले होते. स्थानबध्द इसमाच्या कृत्यांमुळे पोलीस स्टेशन, हिंगणघाट अंतर्गत येणा-या परीसरामध्ये सार्वजनीक शांतता व सुव्यवस्था भंग होत असल्याने त्याच्या गुन्हेगारी कृत्यांवर आळा घालण्याकरीता त्याचे विरुध्द सन २०२३ व २०२५ मध्ये प्रतिबंधक कार्यवाही करण्यात आली होती. परंतु स्थानबध्द ईसम हा अशा प्रतीबंधक कार्यवाहीस सुध्दा जुमानत नसल्याचे व सतत गुन्हे करीत असल्याचे निदर्शनास आले.
त्या अनुषंगाने पोलीस निरीक्षक, श्री. अनिल राऊत पो.स्टे. हिंगणघाट यांनी महाराष्ट्र ओपडण्डीवादा, हाथभट्टीवाले, औषधीद्रव्ये विषयक गुन्हेगार, धोकादायक व्यक्ती, रेती माफीया व जिवनावश्यक वस्तूचा काळाबाजार करणारे यांच्या विघातक कृत्यांना आळा घालण्याबाबत अधिनियम १९८१ (सुधारणा २०१५) अन्वये स्थानबध्द करण्याबाबतचा प्रस्ताव मा. श्री. अनुराग जैन, पोलीस अधीक्षक, वर्धा यांचे मार्फतीने मा. जिल्हादंडाधिकारी मा. श्रीमती वान्मधी सो. यांचेकडे सादर केला होता. त्या अनुषंगाने मा. जिल्हादंडाधिकारी, वर्धा यांनी दिनांक २० नोव्हेंबर २०२५ रोजी स्थानबध्द आदेश जारी करुन त्यास अमरावती मध्यवती कारागृह, अमरावती येथे स्थानबध्द करण्याचे आदेश पारीत करण्यात आल्याने स्थानबध्द आदेशांन्वये त्यास अमरावती मध्यवर्ती कारागृह, अमरावती येथे स्थानबध्द करण्यात आले आहे.
आगामी नगर पंचायत, नगर परीषद, जिल्हा परीषद, पंचायत समिती, ग्रामपंचायत निवडणुकी दरम्यान वर्धा जिल्हयामध्ये शांतता व सुव्यवस्था अबाधीत राहावी या उद्देशाने अशाच प्रकारे रेती माफीया तसेच समाजातील गुंड प्रवृत्तीच्या धोकादायक असणाऱ्या तसेच दारु विक्री करणाऱ्या व्यक्तीवर एम.पी.डी.ए. कायद्या अंतर्गत कठोर कार्यवाहीचे पुनश्चः संकेत मा. जिल्ह्यदंडाधिकारी, वर्धा श्रीमती बान्मधी सी., तसेच मा. पोलीस अधीक्षक, वर्धा श्री. अनुराग जैन, यांनी दिले आहे.
सन २०२४ मध्ये एकुण १९ दारुविक्रेते, गुंड प्रवृत्तीच्या गुन्हेगार तसेच रेती माफीया विरुध्द एम.पी.डी.ए. कायद्या अंतर्गत विविध कारागृहामध्ये स्थानवध्द करण्यात आले होते. तसेच सन २०२५ मध्ये अद्याप पावेतो १७अवैध दारुविक्रेते, गुंड प्रवृत्तीचे धोकादायक व्यक्ती तसेच रेती माफीया विविध कारागृहामध्ये स्थानबच्द करण्यात आले आहे. भविष्यात सुध्दा अशाच कारवाईचे संकेत दिले आहे.
सदरची कार्यवाही ही मा. श्री. अनुराग जैन, पोलीस अधीक्षक, वर्धा मा. श्री. सदाशिव बाघमारे, अपर पोलीस अधीक्षक, वर्धा, श्री. सुशीलकुमार नायक, उपविभागीय पोलीस अधिकारी, हिंगणघाट, पो.नि. विनोद चौधरी, स्थानिक गुन्हे शाखा, वर्धा यांचे मार्गदर्शनात पो. हवा. अमोल आत्राम, पो.हवा. आशिष महेशगौरी स्थानिक गुन्हे शाखा, वर्धा, पो.नि. अनिल राऊत, पो.हवा. प्रविण देशमुख, विजय हारनुर, संग्राम मुंडे, शिवशंकर यादव पोलीस स्टेशन, हिंगणघाट यांनी केली आहे.
