ब्रेकिंग न्यूज _ भाजपा शहर अध्यक्ष सुनील नामोजवार यांचा कॉग्रेस पक्षांमध्ये पक्षप्रवेश

चांदा ब्लास्ट प्रतिनिधी. अतुल कोल्हे

            भद्रावती शहराचे माजी नगराध्यक्ष तथा भाजपचे शहर अध्यक्ष सुनील नामोजवार यांनी नगराध्यक्ष पदाच्या ऊमेदवारीवरुन असंतुष्ट होत शहर अध्यक्षपदाचा राजीनामा दिल्याने भाजप तथा शहरातील राजकारणात मोठी खळबळ ऊडाली होती. मात्र ते कांग्रेसच्या वाटेवर असल्याची जबरदस्त चर्च्या शहरातील राजकारणात होती.

आणि ते खरे झाले असून त्यातच आता काँग्रेसच्या चंद्रपूर, वणी-आर्णी लोकसभा क्षेत्राच्या खासदार मा. प्रतिभाताई धानोरकर यांच्या हस्ते सुनील नमोदवार यांचा काँग्रेसमध्ये पक्षप्रवेश झाला असून त्यांना काँग्रेसची नगराध्यक्षपदाची उमेदवारी जाहीर करण्यात आली आहे.

या प्रारंभी भाजप नगराध्यक्ष पदाच्या ऊमेदवारीसाठी सुनील नामोजवार हे दावेदार असल्याचे समजल्या जात होते. मात्र अनील धानोरकरकरांचा भाजप प्रवेश झाल्यानंतर नामोजवार यांची ऊमेदवारी डळमळीत झाली होती. त्यांनी भाजपकडे नगराध्यक्षपदासाठी ऊमेदवारी अर्जही दाखल केला होता.

मात्र अनील धानोरकर यांची ऊमेदवारी जवळपास भाजपकडून निश्चीत झाल्यानंतर ऊमेदवारीवरुन असंतुष्ट असलेल्या सुनील नामोजवार यांनी अखेर भाजप शहर अध्यपदाचा राजीनामा देत त्यांनी कांग्रेस मध्ये पक्ष प्रवेश केला असून का़ग्रेसकडून त्यांना नगराध्यक्ष पदाची ऊमेदवारी मिळाली असल्याने अनील धानोरकर विरुद्ध सुनील नामोजवार असा सामना भद्रावतीकरांना पुन्हा एकदा पहायला मिळणार आहे.