जिल्हास्तरीय किक बॉक्सिंग क्रीडास्पर्धेत देऊळगाव राजा येथील मुलाची चमकदार कामगिरी
चांदा ब्लास्ट प्रतिनिधी. प्रा. अशोक डोईफोडे
बुलडाणा जिल्हा क्रीडा परिषद व जिल्हा क्रीडा अधिकारी कार्यालय यांच्या संयुक्त विद्यमाने आयोजित जिल्हास्तरीय शालेय किक बॉक्सिंग क्रीडास्पर्धेत देऊळगाव राजा येथील स्किल डेव्हलपमेंट स्पोर्ट अकॅडमी च्या विद्यार्थ्यांनी उत्कृष्ट कामगिरी केली असून त्यांची शालेय विभागीय किक बॉक्सिंग क्रीडास्पर्धेसाठी निवड झाली आहे.
क्रीडा व युवा सेवा संचालनालय, महाराष्ट्र राज्य, पुणे यांच्या मार्गदर्शनाखाली ही स्पर्धा पार पडली,या स्पर्धेसाठी किक बॉक्सिंग स्पोर्ट असोसिएशन महाराष्ट्र चे सचिव निलेश शेलार सर यांचे मोलाचे मार्गदर्शन लाभले
या स्पर्धेत राजेश खांडेभराड सर यांच्या मार्गदर्शनात स्किल डेव्हलपमेंट अकॅडमीचे विद्यार्थी मैथिली तायडे ,मयुरी थेटे,हरिओम रामाने,राघव झोरे , अरुण शिवरकर,यांनी जिल्हास्तरावर उत्कृष्ट कामगिरी करीत विभागीय स्तरासाठी आपली जागा निश्चित केली आहे तर निलेश शिवरकर,आर्यन पवार, श्रीपाद चव्हाण,यांनी उत्कृष्ट खेळाचे प्रदर्शन करून सिल्व्हर मेडल घेऊन यश संपादन केले. विद्यार्थ्यांच्या या यशामुळे देऊळगाव राजाचे नाव जिल्हास्तरावर झळकले असून परिसरातून या यशाबद्दल विद्यार्थ्यांचे अभिनंदन होत आहे.
या स्पर्धेमध्ये राम सोनूने, प्रतिक नेवसे, ओमकार झोडगे. यांनी पंच म्हणून काम पाहिले आहे विजय विद्यार्थी पुढील विभागीय स्पर्धेत देखील उत्तम कामगिरी करतील असा विश्वास व्यक्त केला जात आहे
