जुनी पेन्शन देईल त्यालाच मतदान
शंखनाद रॅलीत कर्मचाऱ्यांची दिल्लीत शपथ
चांदा ब्लास्ट प्रतिनिधी. प्रा. शेखर प्यारमवार
जुनी पेन्शन देईल त्यालाच मतदान करणार, अशी शपथ दिल्लीत रामलीला मैदानावर शंखनाद रॅलीत कर्मचाऱ्यांनी घेतली. सरकारने पेन्शनबाबत नकारात्मक भूमिका ठेवली, तर जे पेन्शन देतील त्यांचे सरकार आणण्यासाठी प्रयत्न करू, अशी भूमिका संघटनेने घेतलेली आहे. अशी माहिती महाराष्ट्र राज्य जुनी पेन्शन संघटना चंद्रपूरचे जिल्हा अध्यक्ष विपीन धाबेकर यांनी दिली.
जिल्हा सचिव लखन साखरे म्हणाले, या आंदोलनात एनएमओपीएसची संलग्न संघटना, महाराष्ट्र राज्य जुनी पेन्शन संघटना चंद्रपूरचे हजारो पेन्शन शिलेदार एकच मिशन जुनी पेन्शन अशा टोप्या घालून व *VoteforOPS2024* चा नारा देत दिल्लीत जुनी पेन्शनसाठी काढण्यात आलेल्या रॅलीत सहभागी झाले होते.
यावेळी दिल्ली येथील पेन्शन शंखनाद रॅलीत महाराष्ट्र राज्य जुनी पेन्शन संघटनेचे राज्याध्यक्ष वितेश खांडेकर, राज्य सल्लागार सुनील दुधे, विभागीय उपाध्यक्ष दुशांत निमकर, विभागीय कार्याध्यक्ष भालचंद्र धांडे, जिल्हा नेते प्रशांत खुसपुरे, जिल्हा वरिष्ठ उपाध्यक्ष माधव पिसे, जिल्हा उपाध्यक्ष राकेश गोनेलवार, जिल्हाकोषाध्यक्ष दया पवार व चंद्रपूर जिल्ह्यातील पंधरा ही तालुकाध्यक्ष व सचिव आपल्या तालुक्यातील पेन्शन शिलेदारसह हजारोच्या संख्येने सहभागी झाले होते.