विधाता लांडगेची राज्यस्तरीय बॉक्सिंग स्पर्धेसाठी निवड : नागपूर विभागात अव्वल

चांदा ब्लास्ट प्रतिनिधी. अतुल कोल्हे

       महाराष्ट्र राज्य क्रीडा संचालनालय पुणे, विभागीय क्रीडा अधिकारी नागपूर तथा जिल्हा क्रीडा अधिकारी चंद्रपूर यांच्या संयुक्त विद्यमाने बॉक्सिंग क्रीडा प्रकाराचे विभागीय शालेय क्रीडा स्पर्धां भद्रावती येथील तालुका क्रीडा संकुल येथे आयोजित केले. या स्पर्धेत याने नागपूर विभागात अव्वल स्थान प्राप्त केले. विधाता लांडगे याची राज्यस्तरीय क्रीडा स्पर्धेसाठी निवड झाली आहे.

नागपूर विभागाच्या विभाग स्तरीय बॉक्सिंग क्रीडा स्पर्धा तालुका क्रीडा संकुल भद्रावती येथे पार पडले. यात यशवंतराव शिंदे विद्यालय व कनिष्ठ महाविद्यालयातील १९ वर्षे वयोगटातील मुलांच्या बॉक्सिंग क्रीडा प्रकारात विधाता लांडगे याने प्रतिस्पर्धी खेळाडुंचा पराभव करून विजय संपादन केले, व नागपूर विभागात अव्वल ठरला. आता हा राज्यस्तरीय बॉक्सिंग क्रीडा स्पर्धेत नागपूर विभागाचे प्रतिनिधित्व करणार आहे.

 विभागीय स्पर्धेत बॉक्सिंग या क्रीडा प्रकारात नागपूर विभागात विजय संपादन करून राज्यस्तरावर प्रतिनिधित्व करणाऱ्या या विजयी खेळाडूचे भद्रावती शिक्षण संस्था भद्रावती चे अध्यक्ष, डॉ विवेक शिंदे, सचिव डॉ. कार्तिक शिंदे, सहसचिव डॉ. विशाल शिंदे, विश्वस्त व माजी प्राचार्य डॉ. जयंत वानखेडे, प्राचार्य डॉ. सुधीर मोते यशवंतराव शिंदे विद्यालय व कनिष्ठ महाविद्यालय चिचोर्डी भद्रावती, क्रीडा शिक्षक प्रा. रमेश चव्हाण, डॉ. ज्ञानेश हटवार, प्रा. किशोर ढोक, आत्माराम देशमुख, सुहास कोल्हे, शुभम सोयाम, समस्त प्राध्यापक, शिक्षक व शिक्षकेतर कर्मचाऱ्यांनी त्यांचे अभिनंदन केले, व पुढील स्पर्धेसाठी त्यांना शुभेच्छा दिल्या.