‘धनुर्विद्या’ क्रीडा स्पर्धेत शिंदे महाविद्यालय विभाग स्तरावर

चांदा ब्लास्ट प्रतिनिधी. अतुल कोल्हे

          महाराष्ट्र राज्य क्रीडा संचालनालय पुणे व जिल्हा क्रीडा अधिकारी चंद्रपूर यांच्या संयुक्त विद्यमाने वरोरा येथे घेण्यात आलेल्या जिल्हास्तरीय धनुर्विद्या क्रीडा स्पर्धेत यशवंतराव शिंदे विद्यालय व कनिष्ठ महाविद्यालय चिचोर्डी, भद्रावती येथील विद्यार्थी १९ वर्ष वयोगटात अव्वल आला व त्यांची निवड विभागीय स्तरावर झाली.

जिल्हास्तरीय धनुर्विद्या क्रीडा स्पर्धेत यशवंतराव शिंदे विद्यालय व कनिष्ठ महाविद्यालय चिचोर्डी, भद्रावती येथील श्रेयश पोद्दार हा १९ वर्षे वयोगटातील खेळाडू धनुर्विद्या क्रीडा प्रकारात अव्वल आला व त्याची निवड आता विभागीय स्पर्धेसाठी झाली आहे. हा खेळाडू चंद्रपूर जिल्ह्याचे प्रतिनिधित्व विभाग स्तरावर करणार आहे.

धनुर्विद्या या क्रीडा प्रकारात जिल्ह्यात विजयी होऊन विभाग स्तरावर निवड झालेल्या श्रेयश पोद्दार या खेळाडूची भद्रावती शिक्षण संस्था भद्रावती चे अध्यक्ष डॉ. विवेक शिंदे, सचिव डॉ. कार्तिक शिंदे, सहसचिव डॉ. विशाल शिंदे, विश्वस्त, माजी प्राचार्य डॉ. जयंत वानखेडे, डॉ. प्रकाश महाकाळकर, गटशिक्षणाधिकारी भद्रावती, डॉ. सुधीर मोते प्राचार्य, प्रा. रमेश चव्हाण क्रीडा प्रशिक्षक, डॉ ज्ञानेश हटवार, किशोर ढोक, भीष्माचार्य बोरकुटे, हरिहर मोहरकर, राकेश आवारी, प्रवीण मत्ते, शुभम सोयाम तसेच सर्वं प्राध्यापक, शिक्षक, शिक्षकेतर कर्मचाऱ्यांनी त्यांचे अभिनंदन केले आहे. व पुढील क्रीडा स्पर्धेसाठी शुभेच्छा दिल्या आहेत.