गांजा अंमली पदार्थाची विक्री करणा-या गुन्हेगारावर स्थानिक गुन्हे शाखेची धडक कार्यवाही
चांदा ब्लास्ट प्रतिनिधी. अविनाश नागदेवे
माननीय अनुराग जैन पोलीस अधीक्षक वर्धा यांनी अंमली पदार्थ बाळगणारे व विक्री करणारे गुन्हेगारांवर धडक कारवाई करण्याचे स्थानिक गुन्हे शाखेस आदेशीत केल्याने, त्या अनुषंगाने अंमली पदार्थांची विक्री करणा-या गुन्हेगारांवर कारवाई करण्याची स्थानिक गुन्हे शाखेने धडक मोहिम राबविली असुन, दि. 19 सप्टेंबर 2025 रोजी स्था.गु.शा. वर्धा चे पथक पोलीस स्टेशन हिंगणघाट हद्दीत पेट्रोलिंग करीत असतांना, त्यांना मिळालेल्या गोपणीय माहितीवरून आरोपी गुड्डु महेश सुर्यवंशी वय 32 वर्ष, रा. संत कबीर वार्ड हिंगणघाट याचेवर त्याचे राहते घरी एन.डि.पी.एस. कायद्यान्वये रेड केला असता, आरोपीचे घरी एका प्लास्टीक पिशवीमध्ये गांजा अंमली पदार्थ मिळुन आला.
सदर गांजाचा माल त्याने स्वतः त्याचे टि.व्ही.एस. ज्युपीटर मोपेड क्र. एम.एच. 32 ए.व्हि. 2130 ने नागपुर येथे जावुन, तेथील मोठा ताजबाग कब्रिस्तान गेट जवळ राहणा-या रफिक नावाचे ईसमाकडुन विक्री करीता खरेदी केल्याचे निष्पन्न झाल्याने, आरोपीचे ताब्यातुन निव्वळ 1 किलो 330 ग्रॅम गांजा अमली पदार्थ, मोपेड व मोबाईलसह जु.कि. 1,41,600 रु चा मुद्देमाल जप्त करून, दोन्ही आरोपीतांविरूध्द पो.स्टे. हिंगणघाट येथे एन.डी.पि.एस. कायद्यान्वये गुन्हा नोंद करण्यात आला आहेत.
सदरची कार्यवाही पोलीस अधिक्षक अनुराग जैन, अपर पोलीस अधीक्षक सदाशिव वाघमारे, यांचे निर्देशाप्रमाणे स्थानिक गुन्हे शाखा जि. वर्धा चे पोलीस निरीक्षक श्री. विनोद चौधरी, पो.उपनि. सलाम कुरेशी, पो.अं अरविंद येनुरकर, रोशन निंबोळकर, रवि पुरोहित, अभिषेक नाईक सर्व नेमणुक स्थानिक गुन्हे शाखा वर्धा यांनी केली.
