गणेशोत्सव एकोप्याने व शांततेत साजरा करा _ जिल्हा पोलिस अधीक्षक निलेश तांबे

चांदा ब्लास्ट प्रतिनिधी. प्रा. अशोक डोईफोडे

गणेशोत्सव व ईद ए मिलाद हे राष्ट्रीय सण समजून एकोप्याने व शांततेत साजरे करावे, शांतता समितीच्या सदस्यांनी युवा पिढीला मोबाईल वर कोणत्याही प्रकारचे आक्षेपार्ह व्हिडिओ व्हायरल करण्यास मनाई करावी, गणेश मंडळांनी पोलिस प्रशासन च्या सूचनांचे तंतोतंत पालन करावे असे आवाहन जिल्हा पोलीस अधीक्षक निलेश तांबे यांनी देऊळगाव राजा येथे 21 ऑगस्ट रोजी आयोजित केलेल्या शांतता समितीच्या बैठकीत अध्यक्ष स्थानावरून बोलताना केले.

जिल्हा पोलिस उप अधीक्षक अमोल गायकवाड यांनी गणेश मंडळांनी डीजे ऐवजी पारंपरिक बँड ढोल ताशे चा वापर केल्यास ध्वनी प्रदूषण होणार नाही, जेष्ठ नागरिकांना लहान मुलांना, रुग्णांना त्रास होणार नाही असे सांगितले, उपविभागीय पोलिस अधिकारी मनिषा कदम यांनीही सन उत्सव साजरे करताना शांतता व सुव्यवस्था राखण्यासाठी सर्वांनी प्रशासनाला सहकार्य करावे असे आवाहन केले. याप्रसंगीप्रमुख अतिथी तहसीलदार वैशाली डोंगरजाळ, मुख्याधिकारी अरुण मोकळ, उप कार्यकारी अभियंता संदीप शेटे, वैद्यकीय अधिकारी डॉ विलास दराडे, पोलिस निरीक्षक ब्रह्म गिरी व इतर पोलिस अधिकारी होते.

माजी नगराध्यक्ष संतोष खांडेभराड, सेवा निवृत्त मुख्याधापक प्रकाश खांडेभराड, रमेश नरोडे, व इतर शांतता समितीच्या सदस्यांनी बैठकीत सूचना केल्या, पत्रकार सूरज गुप्ता यांनी गणेशोत्सव दरम्यान प्रत्येक अधिकाऱ्यांनी कोणतेही एक मंडळ दत्तक घ्यावे अशी सूचना केली. सभेला देऊळगाव राजा, सिंदखेड राजा, दुसरबीड, अंढेरा येथील पोलिस अधिकारी, कर्मचारी, गणेशोत्सव मंडळाचे पदाधिकारी, विविध राजकीय पक्षांचे, सामाजिक संघटना चे नेते, कार्यकर्ते, व पत्रकार उपस्थित होते

सभेचे संचालन व आभार प्रदर्शन पोलिस निरीक्षक ब्रह्म गिरी यांनी केले