चंद्रपूर जिल्हा मच्छीमार सहकारी संघाच्या निवडणुकीत अध्यक्ष पदी मेश्राम तर उपाध्यक्ष पदी कस्तुरे यांची बिनविरोध निवड
चांदा ब्लास्ट प्रतिनिधी. अतुल कोल्हे
चंद्रपूर जिल्हा मच्छीमार सहकारी संघ मर्यादित, चंद्रपूर क्रमांक १०८, सर्वसाधारण प्रतिनिधी, अनुसूचित जाती/जमाती प्रतिनिधी, महिला प्रतिनिधी, इतर मागासवर्ग प्रतिनिधी आणि भटक्या विमुक्त जाती/जमाती विशेष मागासवर्ग मतदारसंघासाठी २०२५-२६ ते २०३०-३१ या कालावधीसाठी १६ जुलै रोजी झालेल्या निवडणुकीत महाराष्ट्र सहकारी संस्था निवडणूक नियम, २०१४ च्या नियम ३२ नुसार निवडणूक घेण्यात आली. चंद्रपूर जिल्हा मध्यवर्ती बँकेचे संचालक यशवंत दिघोरे यांच्या नेतृत्वाखाली नुकत्याच झालेल्या अध्यक्ष आणि उपाध्यक्षांच्या निवडणुकीत अध्यक्षपदी यादव मेश्राम तर उपाध्यक्षपदी विजय कस्तुरे यांची बिनविरोध निवड झाली.
या निवडणुकीत चंद्रपूर-बल्लारपूर तहसीलचे बंडू हजारे, भद्रावती-वरोरा तहसीलचे दिलीप मांढरे, कोरपना तहसीलचे सुरेश केसूरकर, सावली तहसीलचे एकनाथ ठाकरे, ब्रह्मपुरी तहसीलचे यशवंत दिघोरे,सिंदेवाही तहसीलचेयादव मेश्राम, चिमूर तहसीलचे दिवाकर डहारे, नागभीड तहसीलचे सुरेश डहारे, मूल तहसीलचे जितेंद्र टिंगुसले, पोंभुर्णा तहसीलचे विजय कस्तुरे, विमुक्त जाती/भटक्या जमातीचे धनराज सोनकर, मीनाक्षी मेश्राम, नंदाबाई ठाकरे यांची महिला संचालिका पदासाठी बिनविरोध निवड करण्यात आली आहे.या निवडणूक प्रक्रियेची घोषणा निवडणूक अधिकारी एस.एस.तुपट यांनी केली. एकूण १५ संचालक पदांपैकी १२ प्रतिनिधी संचालक पदावर बिनविरोध निवडून आले, १० सर्वसाधारण प्रतिनिधी म्हणून आणि २ प्रतिनिधी महिला राखीव म्हणून निवडून आले.
विमुक्त जाती/भटक्या जमाती/विशेष मागासवर्गीय प्रवर्गांतर्गत झालेल्या सार्वत्रिक निवडणुकीत एकूण १३ उमेदवार निवडून आले. त्यापैकी २ उमेदवारांचे नामांकन अर्ज रद्द करण्यात आले. या निवडणुकीसाठी एस.एस. तुपट हे निवडणूक अधिकारी होते तर कोमावर हे सहाय्यक निवडणूक अधिकारी होते. या सर्व अधिकाऱ्यांचे सर्वत्र अभिनंदन केले जात आहे.
