अल्ट्राटेक सिमेंट लिमिटेड, माणिकगड तर्फे गडचांदूर येथे स्वच्छ भारत अभियान अंतर्गत राबविण्यात आली रस्ता स्वच्छता मोहीम 

चांदा ब्लास्ट प्रतिनिधी. अशोक डोईफोडे

अल्ट्राटेक सिमेंट लिमिटेड, माणिकगड आपल्या शेजारच्या गावांच्या विकासासाठी नेहमीच प्रयत्नशील असते.

त्याचाच एक भाग म्हणून आरोग्य व रस्ता सुरक्षा लक्षात घेऊन 16 ऑगस्टच्या मध्यरात्री गडचांदूर येथील माणिकगड कंपनी गेट क्रमांक 1 ते रामकृष्ण हॉटेलपर्यंतच्या रस्त्याच्या दोन्ही बाजूंची माणिकगढ कंपनीच्या कर्मचाऱ्यांनी स्वच्छता केली.

सर्व नागरिकांना स्वच्छ वातावरणाचा अनुभव घेता यावा यासाठी रस्ते साफ करण्याबरोबरच स्वच्छता मशिन फिरवण्यात आल्या व पाण्याचा शिडकावाही करण्यात आला.

या स्वच्छता मोहिमेमुळे गडचांदूरवासीयांची पर्यावरणीय स्वच्छता व रस्ता सुरक्षा सुधारेल, असा विश्वास नागरिकांनी व्यक्त केला.

यावेळी मध्यरात्रीच्या सुमारास माणिकगडचे प्रशासन व सुरक्षा विभागाचे अधिकारी व कर्मचारी स्वत: उपस्थित राहून लक्ष घालत होते.

माणिकगड आपल्या कार्यातून शेजारील गावातील नागरिकांच्या हिताचा सतत विचार करत असल्याचे आपल्याला दिसून येते.