महाऔष्णिक विद्युत केंद्रातील प्रगत कुशल प्रशिक्षणार्थी प्रकल्पग्रस्तांना सरळ सेवेत सामावून घ्या. – आ. धानोरकर
मुंबई येथे महानिर्मितीच्या प्रकाषगढ येथे प्रकल्पग्रस्तांच्या विविध विषयांवर बैठक संपन्न.
चांदा ब्लास्ट
महाऔष्णिक विद्युत केंद्रातील प्रगत कुशल प्रशिक्षणार्थी प्रकल्पग्रस्तांना सरळ सेवेत सामावून घ्यावे व इतर मागण्यांच्या संदर्भात मुंबई येथील बांद्रा स्थित प्रकाशगढ येथे महानिर्मितीच्या कार्यालयात प्रकल्पग्रस्तांच्या समस्येसंदर्भात बैठकीचे आयोजन करण्यात आले होते. यावेळी आमदार प्रतिभा धानोरकर यांनी शेतकÚयांनी शेतजमिनी देऊन अनेक वर्षांचा कालावधी लोटला असून अनेक शेतकरी भुमीहीन झाले असून त्यांच्या पाल्यांना सरळ सेवेत सामावून घ्यावे अशी मागणी केली. त्यासोबतच या उमेदवारांना विमा कवच व इतर सोयी उपलब्ध करुन देण्याची मागणी बैठकी दरम्यान केली. कोराडी येथे 17 जानेवारी पासून सुरु असलेल्या आमरण उपोषण सोडविण्याच्या संदर्भांने राज्य सरकार कुठलेही पाऊल उचलत नाही याची देखील खंत असल्याचे मत आमदार प्रतिभा धानोरकर यांनी व्यक्त केले. यावेळी महानिर्मितीचे संचालक धंनजय सावळकर यांनी महावितरण तर्फे येत्या आठ दिवसांत 800 जागा काढून 400 प्रकल्पग्रस्तांना नौकरी देण्याचे आश्वासन दिले.
