भारतीय बौद्ध महासभेच्या तालुकाध्यक्षपदी दिपक साबने तर शहराध्यक्षपदी व्यंकटी कांबळे यांची निवड

चांदा ब्लास्ट प्रतिनिधी.संतोष इंद्राळे

जिवती : बौद्ध विहार जिवती येथे भारतीय बौद्ध महासभाची जिवती तालुका शाखा व जिवती शहर शाखाची नवीन कार्यकारिणीची सर्वानुमते निवड करण्यात आली.

      भारतीय बौद्ध महासभेचे जिल्ह्याध्यक्ष किशोर तेलतुंबडे, जिल्हा सरचिटणीस संदीप सोनोणे, जिल्हा कोषाध्यक्ष गुरुबालक मेश्राम, जिल्हा उपाध्यक्ष प्रफुल भगत यांच्या प्रमुख उपस्थितीत जिवती तालुका शाखेच्या तालुकाध्यक्षपदी दिपक साबने, तालुका सरचिटणीसपदी चंदू रोकडे, कोषाध्यक्षपदी प्रभाकर कांबळे यांची निवड करण्यात आली. तर जिवती शहर शाखेच्या शहराध्यक्षपदी व्यंकटी कांबळे, शहर सरचिटणीस शरद वाटोरे, कोषाध्यक्ष राऊत यांची निवड सर्वानुमते करण्यात आली.

       सर्वप्रथम जिल्हा कार्यकारिणी पदाधिकारी पाहुण्यांचे हस्ते तथागत भगवान गौतम बुद्ध व बोधिसत्व डॉ.बाबासाहेब आंबेडकर यांच्या प्रतिमांना माल्यार्पण करून अगरबत्ती मोमबत्ती प्रज्वलित करण्यात आली. नंतर सामूहिक त्रिशरण पंचशील घेण्यात आले. जिल्ह्याध्यक्ष किशोर तेलतुंबडे यांनी बोधिसत्व डॉ.बाबासाहेब आंबेडकर यांनी स्थापन केलेली मातृसंस्था दी बुद्धिस्ट सोसायटी ऑफ इंडिया बाबत सखोल मार्गदर्शन केले.

     सदर कार्यक्रम श्रावण जिवणे यांच्या अध्यक्षतेखाली पार पडला. याप्रसंगी समता सैनिक दलाच्या सैनिकांसह गिरीश कांबळे, बळीराम काळे, प्रदीप काळे, देविदास साबने, नितेश मानकर, रामदास रणवीर, छगन साळवे, वैशाली वाटोरे, विशाखा भगत, दिलीप जीवने यांचेसह अनेक उपासक उपासिका उपस्थित होते. जिवती तालुक्यात भारतीय बौद्ध महासभाचे काम शेवटच्या प्रत्येक गावात पोहचवु अशी सर्वानी ग्वाही दिली. सूत्रसंचालन चंदू रोकडे यांनी केले, प्रास्ताविक दिपक साबने यांनी केले तर आभार शरद वाटोरे सर यांनी मानले.