सोळा वर्षीय मुलाची विहिरीत उडी घेऊन आत्महत्या

चांदा ब्लास्ट प्रतिनिधी. अतुल कोल्हे

 एका सोळा वर्षीय मुलाने विहिरीत उडी घेऊन आत्महत्या केल्याची घटना तालुक्यातील चंदनखेडा येथील एका विहिरीत दिनांक 24 ला उघडकीस आली.

अरोहन माणिक बागेसर,वय 16 वर्ष, राहणार चंदनखेडा असे या मृतक मुलाचे नाव आहे. काही कारणावरून रागावून मृतक अरोहण हा दिनांक 22 ला घरून निघून गेला होता. घरच्या लोकांनी दिनांक 23 ला तो बेपत्ता असल्याची तक्रार भद्रावती पोलिसात दाखल केली.

मात्र 24 ला दुपारी 12.30 वाजता त्याचा मृतदेह गावातील सरकारी दवाखान्या जवळील हनुमान मंदिर परिसरातील विहिरीत आढळून आला. भद्रावती पोलिसांनी घटनेचा पंचनामा केला असून मर्ग दाखल केला आहे.