पाचशे ते सातशे रुपयांच्या रोजंदारीच्या भरोशावर उमेदवारांचा निवडणुक प्रचार

चांदा ब्लास्ट प्रतिनिधी. अतुल कोल्हे

        भद्रावती नगरपरिषद निवडणूक अवघ्या दोन दिवसांवर येऊन पोहोचली असुन प्रत्येक उमेदवारांचा प्रचार वेगाने सुरू आहे. मतदारापर्यंत पोहोचण्यासाठी दारोदारी भेटी, कॉर्नर बैठकी, सोशल मीडिया, रॅली, मोठ-मोठ्या जाहीर सभा यांची लगबग दिसत आहे. परंतु या निवडणुकीत सर्वात चिंताजनक चित्र समोर येत आहे. अनेक उमेदवारांचा प्रचार हा खऱ्या कार्यकर्त्यांपेक्षा रोजंदारीवर आलेल्या पुरुषाच्या व स्त्रियांच्या भरोशावर सुरू आहे. मात्र प्रत्यक्षात या गर्दीतले अनेक चेहरे राजकीय नसून भाड्याने आणले असल्याची चर्चा मतदार करतांना दिसत आहेत.

        सध्या एका व्यक्ती 500 ते 700 रुपये रोजंदारी सह नाश्तापाणी देऊन प्रचारात फिरविण्यात येत असल्याची माहिती आहे त्यामुळे सकाळी एका पक्षाला चा झेंडा व दुपारी किंवा संध्याकाळी दुसऱ्या पक्षाचा झेंडा आधी घेऊन हेच लोक रस्त्यावर दिसत आहेत राजकीय निष्ठेपेक्षा गर्दीसाठी वाटे ते करण्यासाठी उमेदवार ही खिसा रिकामा करताना दिसत आहे त्यामुळे स्थानिक कार्यकर्त्यांची भूमिका दुय्यम होत असल्याचे राजकीय जाणकारांचे मत आहे पूर्वी पक्षासाठी काम करणारे कार्यकर्ते पक्षधर्म विचारधारा सामाजिक संबंध यामुळे जोडले जायचे आज मात्र निवडणुकीलाही बाजाराचे स्वरूप आल्याचे दिसत आहे पक्षाने तिकीट नाकारल्यामुळे अनेक जणांनी निवडणुकीच्या तोंडावर पक्ष बदलत केल्याची उदाहरणे ताजी आहे त्यामुळे मतदारांची दिशाभूल होण्याची शक्यता राजकीय विश्लेषक व्यक्त करीत आहे.