देऊळगाव राजा नगर परिषद निवडणूक उमेदवार व प्रतिनिधी यांची बैठक संपन्न 

चांदा ब्लास्ट प्रतिनिधी. प्रा. अशोक डोईफोडे

नगरपरिषद देऊळगाव राजा सार्वत्रिक निवडणूक 2025 च्या अनुषंगाने मतदाना पूर्वीची उमेदवार व त्यांचे प्रतिनिधी यांची बैठक दिनांक 29 नोव्हेंबर रोजी निवडणूक निर्णय अधिकारी याच्या दालन येथे आयोजित करण्यात आली. बैठकीच्या अध्यक्षस्थानी निवडणूक निर्णय अधिकारी श्री. सुरेश थोरात होते.

बैठकीत विविध प्रमुख मुद्द्यांवर सविस्तर चर्चा करण्यात आली :

निवडणूक आयोगाच्या निर्देशानुसार प्रचारासाठी वापरल्या जाणाऱ्या वाहनांवरील ध्वनिवर्धक (भोंगे) वापराची वेळ, आवाजाची मर्यादा आणि आवश्यक परवानग्या याची उमेदवारांना माहिती देण्यात आली. नियमांचे उल्लंघन झाल्यास कायदेशीर कार्यवाही करण्यात येईल, याबाबत उमेदवारांना सूचना करण्यात आल्या.

प्रत्येक उमेदवाराने आपल्या निवडणूक प्रतिनिधीची नेमणूक निर्धारित नमुन्यात करून त्याची माहिती नियोजित वेळेत निवडणूक निर्णय अधिकाऱ्याकडे सादर करण्याची सूचना देण्यात आल्या

मतदान प्रक्रियेतील पारदर्शकता वाढवण्यासाठी मतदान प्रतिनिधींची नियमानुसार नेमणूक करून त्यांची माहिती निर्धारित स्वरूपात प्रस्तुत करण्याचे निर्देश देण्यात आले. मतदान सुरू होण्यापूर्वी polling agent मतदान केंद्रावर अनिवार्य उपस्थित राहणे आवश्यक असल्याचे सांगण्यात आले.

मतमोजणी च्या दिवशी निर्धारित नियमांनुसार अधिकृत प्रतिनिधींची नेमणूक करून त्यांचे नाव मतमोजणी केंद्राकडे सादर करण्याचे दिशानिर्देश देण्यात आले. मतमोजणी केंद्रातील सुरक्षा, प्रवेश व आचारसंहितेबाबतही उमेदवारांना माहिती देण्यात आली.

EVM (BU, CU) सिलींग प्रक्रियेची सविस्तर माहिती उमेदवार व त्यांच्या प्रतिनिधींना देण्यात आली. सिलींग प्रक्रियेच्या वेळी उमेदवार किंवा त्यांचे प्रतिनिधी उपस्थित राहण्याचे आवाहन करण्यात आले. mock poll प्रक्रिया, सील क्रमांक पडताळणी व पारदर्शक पद्धतीने सिलींग पूर्ण करण्याबाबत स्पष्ट सूचना देण्यात आल्या.

बैठकीदरम्यान उमेदवार व त्यांच्या प्रतिनिधींनी विविध शंका उपस्थित केल्या असून निवडणूक विभागाकडून त्या समाधानकारकपणे निरसन करण्यात आल्या.

कार्यक्रमास सहायक निवडणूक निर्णय अधिकारी श्रीमती सुप्रिया चव्हाण, अतिरिक्त सहायक निवडणूक निर्णय अधिकारी वैशाली डोंगरजाळं, पोलिस निरीक्षक ब्रह्म गिरी तसेच निवडणूक शाखेचे अधिकारी, कर्मचारी उपस्थित होते.