सावलीत दोन दुचाकीची समोरासमोर भीषण धडक

चांदा ब्लास्ट प्रतिनिधी. डॉ. शेखर प्यारमवार

 स्थानिक सावली येथे आंबेडकर चौकात आज दुपारी ४ वाजताच्या सुमारास झालेल्या दुचाकींच्या भीषण सामोरा–समोरच्या धडकेत एकाचा मृत्यू झाला असून तिघे गंभीर जखमी झाले. या घटनेच्या अपघातामुळे परिसरात हळहळ व्यक्त केली जात आहे.

मिळालेल्या माहितीनुसार, सावली येथील अशोक मेश्राम (वय ६२) यांचा अपघातात मृत्यू झाला. तर गौरव मेश्राम सिंदोळा येथील ( वय ३०), ईश्वर बाबनवाडे (वय ३५) आणि साहिल बाबनवाडे (वय २३) हे गंभीर जखमी झाले असून त्यांच्यावर स्थानिक ग्रामीण रुग्णालयात उपचार सुरू आहेत.

दुचाकींची टक्कर इतकी भीषण होती की वाहनांचे मोठे नुकसान झाले. घटनेची माहिती मिळताच पोलीस घटनास्थळी दाखल झाले व पंचनामा करून पुढील तपास सुरू आहे.

या अपघातामुळे सावली परिसरात शोककळा पसरली असून नागरिकांनी रस्त्यावर वाहन चालवताना काळजी घेण्याचे आवाहन पोलिस स्टेशन सावली द्वारे करण्यात आले.