मुख्यमंत्री देवेंद्रजी फडणवीस यांच्या वाढदिवसानिमित्त 10वी 12वी च्या गुणवंत विद्यार्थ्यांचा आज गुणगौरव सोहळा
चांदा ब्लास्ट
चंद्रपूर : चंद्रपुरातील इयत्ता 10 वी व 12 वी च्या परीक्षेत गुणवत्तेसह उत्तीर्ण झालेल्या गुणवंत विद्यार्थ्यांचा गुणगौरव सन्मान सोहळा भाजयुमो व कमल स्पोर्टींग क्लब, चंद्रपूर च्या वतीने दरवर्षी आयोजित केला जातो. यंदा महाराष्ट्राचे लोकप्रिय व द्रष्टे मुख्यमंत्री मा. देवेंद्रजी फडणवीस यांच्या वाढदिवसाचे औचित्य साधून गुणवंत विद्यार्थ्यांचा गुणगौरव सोहळा आयोजित करण्यात आला आहे.
दि. 22 जुलै 2025 रोजी सायं. 04.00 वाजता, कन्यका मंदिर सभागृह कस्तुरबा रोड, चंद्रपूर येथे आयोजित या गुणगौरव सन्मान सोहळ्याच्या अध्यक्षस्थानी राष्ट्रीय मागासवर्ग आयोगाचे अध्यक्ष तथा पूर्व केंद्रीय गृह राज्यमंत्री हंसराजजी अहीर तसेच प्रमुख अतिथी म्हणून चंद्रपूर विधानसभा क्षेत्राचे आमदार किशोरभाऊ जोरगेवार यांची प्रामुख्याने उपस्थिती लाभणार आहे.
सदर कार्यक्रमास अन्य मान्यवर अतिथीगण, भाजपा महानगर पदाधिकारी, माजी नगरसेवक, भाजपाचे मंडळ अध्यक्ष, विविध शाळा व कनिष्ठ महाविद्यालयाचे मुख्याध्यापक, प्राचार्य, भाजपा कार्यकर्ते आणि पालक वर्गाची उपस्थिती राहणार आहे. या गुणवंत सन्मान सोहळ्यास नागरिकांनी बहुसंख्येने उपस्थित राहावे असे आवाहन भाजयुमोचे प्रदेश उपाध्यक्ष तथा कार्यक्रमाचे संयोजक रघुवीर अहीर यांनी केले आहे.
